نورهان تكشف تفاصيل غرق شقتها بسبب المياه: خسائر بالجملة

كشفت الفنانة نورهان تفاصيل غرق شقتها بسبب المياه، وذلك في منشور عبر حسابها الرسمي بموقع فيس بوك.

كتبت نورهان في منشور لها: «امبارح رجعت بفتح الباب سمعت صوت مياه مفتوحة بفتح باب الحمام لقيتها مغرقة الأرض ودواليب الحمام والأدراج والهدوم والفوط والعلاج وعلب الأدوية اللي شارياها من أمريكا بكميات عشان مفيش منها في مصر كله راح».

غرق شقة نورهان

وتابعت: «خسائر بالجملة اكتشفت أن فيه ماسورتين اتكسروا وخرجوا من مكانهم والدنيا غرقانة والمية طالعة بره الحمام ومغرقة نص أوضة النوم وتحت السرير، وقفت مذهولة كدة 5 دقايق».

وأضافت نورهان: «وكلمت السباك وأنا بفكر إني لو كنت اتأخرت ساعة واحدة بس! زي ما بعمل كل يوم بعد الشغل بفضل قاعدة بالساعة والساعتين أحيانًا عشان أحضر شغل اليوم اللي بعده كان زمان بيتي كله بالكنب والسجاجيد وكل شيء ضاع».

نورهان

تصريحات نورهان

واستكملت: «الطف بيا الله فيما جرت به المقادير زي ما دايمُا بطلب منه.. قد إيه بينجينا المنجي من كوارث وإحنا قاب قوسين أو أدنى منها، لولا رجوعي في الوقت المناسب كان حجم الخساير تضاعف أضعافا مضاعفة.. الحمدلله على كل شيء».

واختتمت نورهان: «رجعت من سفرية أمريكا الخامسة والأخيرة لقيت النجفة بتاعت الكوريدور واقعة، والإزاز متكسر في كل حتة على الأرض، ورجعت من سفرية اليونان، اللي كانت 3 أيام بالعدد، لقيت دولاب المطبخ اللي متعلق عالحيط وقع وكل الصيني والإزاز مرمي على الأرض متكسر».

نورهان