نيللي كريم تكشف سبب انفعال زوجها علي المعجبين :«فستاني اتقطع وحد كان بيزقني»

كشفت الفنانة نيللي كريم، حقيقة ما حدث في مهرجان قرطاج بعدما انتشر فيديو لزوجها لاعب الاسكواش هشام عاشور علي أحد المعجبين، بعدما طلب التصوير معها .

وقالت نيللي، «فستاني اتقطع، ولاقيت حد بيطلع الموبايل عشان يتصور معايا وحد بيزقني من ورا، يعني فيه هرجلة حصلت، خرجت من القاعة عاوزه أركب العربية وأمشي بسرعة على الفندق، أنا رغم ده كله متكلمتش، بس لاقيت فيه هجوم عليا مش عارفة ليه، وبأنهي سبب».

وواصلت: «أي حد بيكون حابب يتصور معايا من أصغر واحد لأكبر واحد عمري ما بقول لأ، بس لما خرج المهرجان خرجنا كلنا، وكنت لابسة فستان طويل، والناس داست على الفستان وقطعته، ولاقيت ناس بتزقني عشان تتصور معايا، ومكنش فيه أمن».

وأضافت، «طلع كلام كتير إني جيت وسافرت وفيه كلام اتقال غير صحيح مكنتش ناوية أرد عليه، لما كلموني عشان آجي مهرجان قرطاج وده شرف كبير ليا إني أروح تونس جدا وبحب الشعب التونسي».

واستطردت: «آخر مرة في مهرجان قرطاج الماضي كان بيتكرم نجمنا القدير عادل إمام، فكان شرف لي أن يتم تكريمي في هذه الدورة، طلبت منهم أني أجي 24 ساعة فقط عشان ظروف التصوير، قالولي تمام، وصلت المهرجان يوم 30 والمهرجان كان يوم 30، وسافرت يوم 31 الصبح».

وتابعت «مكنش فيه مؤتمر صحفي ولا حد قالي هنعملك مؤتمر صحفي لأني مش هكمل المهرجان لآخره، اتهمت إني مقولتش كلمة، متعودة إني في أي مهرجان بنروحه مش أنا بس كل الزملاء بتوعي روحت مهرجانات كتير، لما تطلع المسرح، بيسألولك تحب تقول كلمة أو اتفضل قول كلمة وده محصلش في قرطاج ».

وقد انتشر فيديو على مواقع التواصل الاجتماعي، ظهر خلاله لاعب الاسكواش هشام عاشور، زوج الفنانة نيللي كريم، ينفعل على بعض المعجبين أثناء حضورها لمهرجان قرطاج السينمائي الذى تم تكريمها فيه.

وظهر عاشور في الفيديو منفعلاً على أحد المعجبين، وردد قائلاً «مفيش صور مش هناخد صور مع حد، إيه المهزلة دي».

كانت الفنانة نيللي كريم كانت قد شاركت في السباق الرمضاني الماضي بمسلسل ضد الكسر، والذي شاركت فى بطولته بجانب محمد فراج، ولقاء الخميسي، وسينتيا خليفة، ومصطفي درويش، وعدد آخر من الفنانين، وجاء المسلسل من تأليف عمرو الدالي، وإخراج أحمد خالد.

زوج نيللي كريم ينفعل على معجبيها: «إيه المهزلة دي» .. فيديو

نيللي كريم تنعي الفنان أحمد خليل: «إنا لله وإنا إليه راجعون»