نيللي كريم عن تعاونها مع شريف سلامة للمرة الثالثة في رمضان 2026: كنت بخاف منه

يتجدد تعاون الفنانة نيللي كريم مع الفنان شريف سلامة للمرة الثالثة، ضمن موسم دراما رمضان 2026.

ويقدم شريف سلامة مع نيللي كريم بطولة مسلسل على قد الحب، بعد مسلسل فاتن أمل حربي وفيلم جوازة ولا جنازة.

شريف سلامة ونيللي كريم في مسلسل على قد الحب

ويشاركهما في بطولة العمل، عدد من النجوم منهم مها نصار التي أعربت عن حماسها للتجربة، وقالت عبر تصريحات تلفزيونية: «أنا أول مرة أشتغل مع نيللي كريم وحبيت الشغل معاها جدًا.. خطيرة.. والمسلسل مليان ناس كتير وأحداث كتير».

بينما قالت نيللي كريم عن التحضير لشخصيتها: «روحنا الورشة في الحسين، وفيه حاجات اتعلمت أعملها، وأنا بحب دايمًا لما أعمل كاركتر يبقى فيه مصداقية، أحب أشتغل بإيدي وأعرف المصطلحات».

أعمال جمعت نيللي كريم وشريف سلامة

كما استرجعت تجربتها الأولى مع شريف سلامة، معلقة: «أول مرة اشتغلت مع شريف كان دوره صعب جدًا طالع شخصية شريرة، وهو في الحقيقة مش كده خالص.. لما ابتدينا نمثل مع بعض، اتخضيت منه، وفيه مشاهد كتير كانت one shot، وده صعب قوي ومن كتر ما شريف كان حقيقي وشرير قوي، ابتديت أخاف منه، وجيت أقول له أنا بخاف منك ابعد عني».

ومن جانبه، قال شريف سلامة عن علاقته الفنية مع نيللي كريم: «من أول مشهد في فاتن أمل حربي حصل بينا كيميا وتفاعل وفجأة الناتج اللي طلع بقينا مبسوطين بيه قوي»، لافتًا إلى أن التفاهم بينهما يعتمد على الإحساس الداخلي والارتجال».

واختتم حديثه عن شخصيته بمسلسل على قد الحب، قائلًا: «هو شخص مسالم، شيف، راجل فطري جدًا، اللي بيحسه بيعمله».