هاجر الشرنوبي تنتقد قانون الرؤية: الأولاد مش سلاح انتقام.. والقانون لازم يتعدل

أعربت الفنانة هاجر الشرنوبي عن استيائها من قانون الرؤية في قضايا الأسرة، مؤكدة أنه بحاجة إلى تعديل عاجل بما يراعي مصلحة الأبناء أولاً.

وكتبت الشرنوبي عبر حسابها على فيسبوك: "هتفضل قضيتي لحد ما أموت، وهفضل أنادي بتعديل قانون الأسرة، يعني إيه فـ قانون الأسرة الرؤية للأب ساعة ولا ساعتين في نادي؟ ده لا شرع ولا دين يقولو كده".

وأضافت: "يعني إيه أب يبقى عايش حي يرزق ومش عارف يشوف بنته بقاله سنة ونص؟ وبعدين نلوم إزاي الجيل الجديد طالع كده".

وأشارت إلى أن هناك آباء يُحرمون من رؤية أبنائهم لفترات طويلة بسبب خلافات ما بعد الطلاق، حيث قالت: «مش كل الستات عقلاء ومش كل الستات بتراعي ربنا، وأنا ست وبقول الكلام ده، في ستات بتعاند وتستخدم الأولاد كسلاح ضد الراجل».

وتابعت: «الأولاد مش هيفضلوا صغيرين، هيكبروا وهيحاسبوا الطرف اللي سلب حقهم». وكشفت عن تجربة شخصية مؤثرة بقولها إنها رغم كبرها ما زالت تتمنى أن ترى والدها الراحل مرة واحدة فقط.

واختتمت هاجر الشرنوبي حديثها مؤكدة: «قانون الأسرة لازم يتعدل… علشان الأولاد أولاً، اللي مالهمش ذنب ولا حول ولا قوة».