هالة صدقي: ابني كابتن فريق باريس سان جيرمان للناشئين

تحدثت النجمة هالة صدقي عن ابناءها مريم وسامو مشيرة إلى أن ابنها من ناشئي نادي باريس سان جيرمان الفرنسي وأكدت أنه هداف الدوري.

هاله صدقي تتحدث عن ابنها

وقالت هالة صدقي في تصريحات تلفزيونية: 'بالرغم إني كنت ضد أمي وأنها متبقاش معايا على طول، تحولت بقيت زي أمي ومع أولادي في كل حاجة، وده لازم لأن هما داخلين على سن المراهقة ودا صعب لكن أنا مصاحباهم ومفتحة عيني كويس'.

واستكملت هالة صدقي حديثها وقالت: 'أهم حاجة بالنسبة ليا الرياضة أنا بطحنهم رياضة، بتطلع طاقة وبتشغل تفكيرهم، ابني دلوقتي كابتن فريق باريس سان جيرمان للناشئين وسافر فرنسا وإيطاليا'.

ابناء هالة صدقي

وأضافت: 'بنتي أخدت أحسن رياضية على مستوى الشرق الأوسط 3 سنين، وهو هداف الدوري الفرنسي على مستوى الناشئين'.

وتابعت: 'هما 14 سنة والاتنين بيلعبوا كرة البنت والولد، أنا حاولت أخليهم يلعبوا سباحة زيي لكن محبوهاش بسبب المدرب'.