هاني خليفة: فيلم رحلة 404 لا يناسب الأطفال وعندي ابن نفسي يشوف شغلي

تحدث المخرج هاني خليفة عن تجربة فيلم رحلة 404 بعد نجاح العمل، موضحًا أن جميع أفلامه تكون مصنفة للكبار فقط وذلك منذ فيلم سهر الليالي.

وأشار هاني خليفة مخرج فيلم رحلة 404 إلى أنه استغرب نجاح العمل، بسبب إنه فيلم يتسم بالعنف، معلقًا: «مفيش فيلم عملته مش للكبار فقط، وده من أيام فيلم سهر الليالي، وعندي ابن نفسي يشوف شغلي ومش عارف إزاي».

هاني خليفة مخرج فيلم رحلة 404

وتابع في تصريحات تلفزيونية له: «مكنش في دماغي التصنيف العمري لفيلم رحلة 404، بس هو فعلا موضوع صعب ولا يناسب الأطفال.. وأنا في رأيي إن منى زكي تقدر تقدم أي حاجة، ومن أول ما اشتغلنا في سهر الليالي وأنا بقول إنها مدهشة، ومن كتر ما المنتجين قالولنا إن الفيلم مش تجاري إحنا صدقنا ده».

واستكمل المخرج هاني خليفة: «الفيلم تقيل وعنيف ومش الفيلم اللي تطلع منه مبسوط، بعكس سهر الليالي كنا متوقعين نجاحه، والفيلم بيحرك حاجة بين كل واحد وبين نفسه، ولو أنا في الموقف ده هعمل إيه وهكذا».

هاني خليفة

تصريحات المخرج هاني خليفة

واختتم مخرج فيلم رحلة 404: «كان فيه دعم من كل النجوم شيرين رضا ومحمد فراج ومحمد ممدوح وخالد الصاوي، وكان دعم كبير لمنى ولحفظي ولينا كلنا بس كلهم كانوا جايين يدعموا منى، وكانوا شغالين كأن الفيلم فيلمهم بجد».

فيلم رحلة 404

فيلم رحلة 404