هاني رمزي: أرفض منع المهرجانات.. واللي مش عاجبه ميتفرجش

أكد الفنان هاني رمزي، أن الفنانين موضوعون تحت ضغط كبير بسبب كثرة الممنوعات في العالم العربي مما يؤدي إلى تحجيم الفنان، قائلا «عندنا ممنوعات كتير وهذه الممنوعات كتيرة مش قليلة، والفنان بيبقى دايما عنده طاقة وخيال وإبداع أنه يحلق من غير ما حد يؤيده».

وتابع هاني رمزي، في لقاء ببرنامج تليفزيوني «عندي أفكار افلام كثيرة لا يجوز تقديمها في مصر .. هتلاقي محاذير كتير جدا وعشان تطلع بحاجة تمس الناس هتلاقي كل فين وفين، وأنا مش بحب اطلع أقول مواعظ وأنا بعيش مع الناس لحظة».

رأي هاني رمزي في أغاني المهرجانات

وعن رأيه في أغاني المهرجانات، قال «أنا مع عدم منع المهرجانات واللي مش عاجبه ميتفرجش إنما حد يمنع فن وإبداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار وبسمع المهرجانات وأكتر مطرب مهرجانات بحبه عمر كمال».

رأي هاني رمزي في الاتجاه للإنتاج

وحول توجهه للإنتاج الفني للجيل الحالي، أشار إلى أنه سينتج لفنانين كوميديا لحاجة الناس إلى الكوميديا، مضيفا: الناس محتاجة لكوميديا وكل اللي شغال دلوقتي ترجيدي وأكشن والناس في احتياج للضحك وأشد الحاجة للضحك، والنهاردة في الظروف الحالية بندور على حاجة ترفع الروح المعنوية للناس وده واجب وطني أنك ترفع من الروح المعنوية للناس، ولو هنتج هجيب حمدي الميرغني وتوته وعلي ربيع وأوس أوس.

هاني رمزي: مصر تبنى من جديد في عهد السيسي.. فيديو

هاني رمزي: بحب نفسي لما أبقى ست على الشاشة ونفسي أجرب قُصر هنيدي

هاني رمزي: «الكوميديا جت معايا كده.. والجمهور أحب شخصية سلطان»