هاني شنودة: أنا ضد كلمات المهرجانات.. وأهلاً بأغاني الراب

علق الموسيقار هاني شنودة على أغاني المهرجانات، مؤكدًا على أنه يتفق مع الألحان ولكنه ضد الكلمات القبيحة التي تضمنها بعض الأغاني.

وأضاف هاني شنودة في لقاء مع الإعلامية دينا رامز والإعلامي شريف نور الدين، ببرنامج أنا وهو وهي، المذاع على قناة صدى البلد، قائلاً: «الأغنية الشعبية بخير، وهتفضل بخير طول عمرها، منذ أن سكننا وادي النيل الجميل، لكن في حاجات بتطلع فرعية إنما النهر بتاع الأغنية الشعبية ماشي وبمنتهى القوة والجمال، التفريعات اللي بتطلع مثل المهرجانات في ناس ضدها، لكن انا مش ضدها أنا ضد الكلام بتاعها، مش ضد اللحن».

وتابع هاني شنودة حديثه قائلاً: «اعمل اللحن اللي أنت عايزه، واعمل الايقاع اللي يرقص الناس واحنا نرحب بيك ونسقف لك، لكن ما تقوليش كلمة قبيحة واسقف لك.. أسف مش أنا، التفريعة دي تنجح شوية وخلاص، وفي تفريعة تانية زي الراب، أهلاً وسهلاً بالراب، بيعملوا حاجات حلوة جدًا بالذات ويجز، لما بتمشي الطائرة الدرون فوق الجماهير في حفلاتهم بلاقي جمهور كبير، يبقى لازم نحترم النجاح بتاعهم».