هاني شنودة يتحدث عن فترة حبسه

تحدث الموسيقار هاني شنودة عن فترة حبسه خلال عام 1966 حيث كان طالبًا جامعيًا في كلية التربية الموسيقية في ذلك الوقت، إذ اتهموه وقتها بالانضمام إلى الجماعات المتطرفة.

هاني شنودة يتحدث عن أزمته

قال هاني شنودة خلال تصريحات تلفزيونية، أن من كانوا يظنوه متشدد وضمن جماعات الإخوان المسلمين، لم يدركوا أنه مسيحي: 'مكنش لسه البابا شنودة بقى بابا، فالاسم مكنش منتشر في مصر إنه مسيحي، مكنش اسم يدل على ديانة معينة'.

واستكمل حديثه، وقال: 'كان دراسة البنات والولاد للتربية الموسيقية في كليات منفصلة، وفي آخر سنة ضموا الولاد والبنات في معهد واحد، ودونا مبنى البنات.. بس أنا مكنتش موجود كنت في الأقصر بلعب بيانو مع الفرقة بتاعتي، ولما رجعت لقيتهم واقفين محتجين مش راضيين يدخلوا غير لما يجيلهم حد من التعليم العالي لأن دول بياخدوا المقررات بطريقة والتانيين بياخدوها بطريقة مختلفة، ودول عاوزين يطلعوا معيدين وحوارات مليش فيها خالص'.

تصريحات هاني شنودة

وواصل هاني شنودة حديثه، وقال أنه فوجئ بقوات الأمن تلقي القبض عليه من داخل منزله: 'أتاريه في نفس الوقت في إضراب في جامعة الأزهر وعين شمس فضموا دول علي دول.. قعدت 3 أيام، وبعدين في التحقيق بيسألني جاي ليه فبقوله مشكلة المعهد، وأنا فاكر ان هما جايبيني عشان مشكلة المعهد اللي مليش فيها، قام ضربني قفا لزقت في الحيطة، وقالي ايه يا هاني تتنازل عن تفسيراتك المشبوهة للقرآن؟ قلت له آه أتنازل.. خوفت أقوله إني مسيحي أصلا فيدخلني مع الشيوعيين'.

هاني شنودة يكشف سبب حصوله على جائزة الدولة التقديرية.. عادل إمام كلمة السر

هاني شنودة ونوران أبو طالب ودينا الوديدي يجتمعون في حفل 16 يونيو

أول تحرك من الموسيقار هاني شنودة ضد الغناء بالذكاء الاصطناعي

هاني شنودة عن جائزة الدولة التقديرية: حلم لم أتصور حدوثه

الثقافة تعلن الفائزين بجوائز الدولة التقديرية .. بينهم أشرف زكي وهاني شنودة