هاني شنودة يشيد بمهرجان العلمين ويدعم عمرو دياب: إبداعك مش هيخلص

أعرب الموسيقار الكبير هاني شنودة عن سعادته بالمشاركة في مهرجان العلمين الصيفي، مشيدًا بأجوائه والتنظيم المحترف والإقبال الجماهيري الكبير، كما تناول في حديثه المنافسة بين عمرو دياب وتامر حسني، مؤكدًا أن لكل منهما بصمته، لكن الهضبة له مكانة خاصة واستثنائية.

أجواء مهرجان العلمين: الجمهور فاهم هو جاي ليه

وأكد شنودة في تصريحات تلفزيونية، أن مشاركته مع فرقة "المصريين" في المهرجان كانت مميزة، وقال: "قابلنا جمهور محترم جدًا، والإدارة كانت حكيمة ومنضبطة، والأهم إن الناس كانت فاهمة هي جاية ليه… وده بيفرق جدًا".

شنودة عن دياب وتامر: "منجا وبطيخ وأناناس"

وعن المقارنة بين عمرو دياب وتامر حسني خلال موسم الصيف الحالي، علّق شنودة ضاحكًا: "إنت بتكلمني في حاجة محسومة! لما يبقى قدامك منجا وبطيخ وأناناس… تختار إيه؟ كله طبعًا"، قبل أن يوضح رأيه: "مافيش مقارنة بين الاتنين، كل واحد في مكانه، بس عمرو دياب حاجة تانية خالص".

رسالة للهضبة: إبداعك باقٍ بعد رحيلنا

وفي رسالة مباشرة وجهها لعمرو دياب، قال شنودة: "برافو عليك يا عمرو، كتير من أعمالك هتعيش بعد ما كلنا نمشي… إبداعك مش هيخلص، وربنا يديك الصحة".

ابنة عمرو دياب تغني معه: خطوة ذكية وإنسانية

واختتم شنودة حديثه بالإشادة بخطوة مشاركة ابنة الهضبة في إحدى أغنياته، معتبرًا أنها تخلق رابطًا إنسانيًا وفنيًا مؤثرًا: "فرانك سيناترا خلى بنته تغني معاه، وفكرة إن البنت تغني مع أبوها دي بتخلق إحساس ماكناش متوقعينه… وده شيء جميل ومؤثر جدًا".