هاني عادل: أبويا كان بيروح السينما يتفرج على أفلامي من غير ما أعرف وبتعلم المزيكا من بنتي

ياسمين حمادة 15 ابريل 2023 | 08:47 مساءً

تحدث الفنان هاني عادل عن والده وذكريات وأسرار لأول مرة، موضحًا أنه لم يظلم والده، والأخير لم يظلمه، حيث كان دائم التشجيع له على ما يقدمه من عمل.

تصريحات هاني عادل

قال هاني عادل في تصريحات تلفزيونية له: «أبويا كان شايفني حاجة كبيرة، وكان بيروح السينما يتفرج على أفلامي من غير ما أعرف، ولما اسمي يظهر على الشاشة كان يقوم يقف ويقول دا ابني وهو بيسقف».

واستكمل: «كنت أتمنى أعرف أعبر عن حبي لوالدي كما كان يستحق، ووالدتي أخذت نصيبًا كبيرًا من اعترافاتي، وكتبت لها الكثير».

هاني عادل مسلسل جميلة

هاني عادل وفرقة وسط البلد

وأوضح الفنان هاني عادل أنه لم ينفصل عن فرقة وسط البلد، وما زالوا أصدقاء منذ 26 عامًا ويعتبرهم عائلته، وتابع: «رسالتي لوالدة بناتي النجمة الفرنسية وليان، كانت رسالة امتنان أكتر والنهايات أخلاق».

وتابع: «مكنش شعور بالتقصير خالص، دي كانت رسالة امتنان لجهودها إن هي في بلد تانية وبتعمل مجهود عشان الولاد، وهي استحملت ده لوحدها ولما بروح بشوف إنهم متربيين كويس».

بنات هاني عادل

وتحدث عن بناته، قائلًا: «بنتي بتعلمني حاجات عن المزيكا، وهي كان نفسها تبقى ناقدة موسيقية، وبتتكلم عن المزيكا بشكل كويس، لدرجة ببقى واقف قدامها مش مصدق، ومن فترة قريبة بدأت تسمع عربي وطلبت مني أقدم لها أغاني من مصر عشان تسمعها وتحبها والأغاني والمزيكا بتاعتي مش بتعجبها دايمًا، ولما حاجة بتعجبها لازم أفهمها الكلام».

وقال أيضًا: «أصحابي اللي قريبين مني قليلين واختارهم بالعافية وأى توتر بيني وبين أصدقائي ممكن يوقف حياتي بشكل عام وبحاول أصلح المشكلة دي واتعامل معها».

وأشار هاني عادل إلى أن صمته علامة على أنه متوتر أو لا يستطيع التأقلم، معلقًا: «البني آدم في أجزاء كثيرة مقسمة داخله وفي حياته، وفي حاجات بتأثر على حاجات ومشكلتي أن علاقتي بالأشخاص ممكن تتسبب في تعطل حاجات تانية من حياتي».

هاني عادل