هاني عادل يدافع عن شيرين عبدالوهاب بعد أزمة مهرجان موازين: مصر كلها بتعمل ده

دافع الفنان هاني عادل عن الفنانة شيرين عبدالوهاب، بعد تعرضها لانتقادات عقب مشاركتها في مهرجان موازين.

كتب هاني عادل في منشور عبر حسابه الرسمي بموقع فيس بوك: «علشان بس نخلص الموضوع ونبان برضه إننا ناس فاهمين في المزيكا بشكل حقيقي أو اللي حابب يعني يبين أنه فاهم ومذاكر وكده، هعملكم فيديو عن الفرق بين play back، وbacking tracks، بس الناهية يعني أنا دخلت شوفت حاجات من الحفلة قبل ما أكتب».

هاني عادل يدافع عن شيرين عبدالوهاب

وتابع: «شيرين كانت بتغني بشكل حقيقي مكانش صوتها متسجل والدليل على كده أنها لما كانت بتغلط كانت بتوقف المزيكا لأن في backing tracks الأغنية هتبدأ لازم العازفين والمطرب يبقوا حافظين الدخول والموسيقيين حافظين كل المفاتيح بالمللي لأن الغلطه مفيهاش رجوع، يعني الفرقة لما تكون بتلعب لوحدها ممكن يلحقوا الغلطات ممكن يعيدوا ويزيدوا في الأغنيه لكن مع الـ backing tracks الفرقة بتلعب والمغني بيغني بشكل حقيقي وبيكونوا سامعين في ودنهم العد والـ tempo وبعض الإرشادات في الأماكن اللي ممكن يكون معاهم إيقاعات إلكترونية زياده صوت بعض الكورال».

واستكمل هاني عادل: «وكلها حاجات علشان تحسن الكواليتي على المسرح وتخليه بنفس الكواليتي زي الألبوم، ومصر كلها بتعمل ده، أيوه مصر كلها، والعالم؟ اه معظمه ما عدا بعض أنواع الموسيقى والأشكال اللي مش بتحتاج ده بس معظم الـpop science بيعمل كده».

تصريحات هاني عادل

واختتم: «أي مغني هتبقى غلطته الوحيدة أنه مذاكرش كفاية مع فرقته واستسهل ساعتها هتحصل مصايب على المسرح، وبتمنى أنه اللي بيتكلم عن الموضوع يكون مذاكر هيقول إيه علشان ميظلمش حد وميظلمش نفسه».