هبة مجدي: رقم التريند مش بيهمني وأطول عمل صورته «قصة الأمس»

تحدثت الفنانة هبة مجدي عن كواليس من حياتها وأعمالها الفنية، وكشفت أسرار لأول مرة.

قالت هبة مجدي عبر تصريحات إذاعية: «عن نفسي رقم العمر بربطه بالزواج والإنجاب وبفضله في أواخر العشرينيات لأن صعب مجهود الحمل والولادة في عمر متأخر أو بدري».

تصريحات هبة مجدي

وتابعت: «الشغل والنجاح مالهومش سن هما مرتبطين بالاجتهاد والحظ والمكتوب ياما ناس بتلمع وهي كبيرة، ورقم التريند مش بيهمني لأنه بالنسبة لي بيطلع عادة للأسوأ، والمهم في الإيرادات وأرقام المشاهدة تبقى حقيقية».

وأضافت هبة مجدي: «معرفش أجور زملائي إيه ولو ركزت على النقطة دي وقتها القيمة هتقل.. الأجر العالي هيتحققلك لو اشتغلت كويس وبقيت مطلوب، وترتيب الأفيش بيضايق فبرضه مبقيتش أركز فيه لأن كتير اتفاقات مش بتتم.. اللي يهمني هو الدور وتأثيره على الجمهور».

كواليس أعمال هبة مجدي

وقالت عن كواليس أعمالها: «بحب توقيت نزول العمل في رمضان ميتنسيش وبيهون تعب شهور التصوير اللي قبلها، وأول عمل ليا في التمثيل كان مسلسل في صوت القاهرة كان عندي 8 سنين.. كنا أطفال بنشتغل بدون أجر، وخدت سنين كتير عشان أوصل لأول خطوة ترضيني.. يعني من عمر 8 سنين لحد ما قدمت قصة الأمس سنة 2008».

واختتمت هبة مجدي: «مسلسل موسى كان صعيدي وظروف تصويره في أماكن صعبة والمشاهد كان أغلبها ماستر سين فأوقات تصويره كانت بتوصل لـ 6 ساعات في المشهد الواحد، وأطول عمل صورته كان قصة الأمس استمر لمدة سنتين، وأقصر عمل ليا وبعتبره من أهم ما قدمت حلقات مسلسل عيشها بفرحة من قصص مسلسل 55 مشكلة حب صورناه في 16 يوم وهو كان 10 حلقات وكنا بنصور قبل الإذاعة بيوم».

هبة مجدي ومحمد محسن