هشام عاشور: «نيللي كريم هتفضل حبيبتي رغم الانفصال»

تحدث الفنان ولاعب الاسكواش العالمي هشام عاشور، عن علاقته بالفنانة نيللي كريم بعد الانفصال الرسمي منذ أيام.

وقال هشام عاشور، في لقاء خاص مع الإعلامية نهال طايل، ببرنامج تفاصيل المذاع على قناة صدى البلد 2، أنه مازال يكن كل الاحترام والتقدير لطليقته الفنانة نيللي كريم،: «كلمة طليقتي أنا مش حاسس احنا بعدنا عن بعض وليها كل الاحترام والتقدير وهتفضل حبيبتي طول عمرها، عشان العشرة اللي بينا احنا ماسيبناش بعض بسبب كارثة».

وأضاف هشام عاشور قائلاً: «احنا قررنا ناخد طريق مختلف لكن هنفضل أصدقاء وده كلام مفروغ منه، ومش كل الناس اللي بتطلق الحب بينتهي، في حاجات ممكن تكون اختفت والناس بيكون لسه بينهم معزة كبيرة عند بعض، للكن مش لازم إن كل اتنين بيطلقوا يبقوا كرهوا بعض ومش عايزين يشوفوا بعض، لكن بيحصل تقصير في بعض الأمور وكان واضح أننا هنوصل لطريق الانفصال».

وكشف هشام عاشور حقيقة أن أبناء نيللي كريم السبب في الطلاق، قائلاً: «كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي؛ لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصورا ويقولو أي كلام عشان يعملوا مشاهدات».