هل ستتزوج سوسن بدر في 2024 ؟ الفنانة توضح

كشفت الفنانة سوسن بدر رأيها في الزواج في 2024، قائلة: «الجواز مش من ضمن أحلامي، لكن أنا مش ضد الفكرة».

وتابعت سوسن بدر في تصريحات تلفزيونية لها: «ومش ضد أن حد عايز يعملها في أي سن لا الحب ولا الجواز عيب ولا حرام لا على راجل ولا على ست».

سوسن بدر في 2024

واستكملت: «أنا معنديش وقت دلوقتي ومش من متطلباتي، ولو خطر على بالي معنديش مشكلة ولا شايفه إنه عيب»، كما كشفت أمنيتها في العام الجديد 2024، قائلة: «نفسي أعمل دور كوميدي بقالي كتير معملتش وأنا بحب الكوميدي جدًا أنا كانت بدايتي كوميدي».

ووجهت سوسن بدر رسالة لأولادها وأحفادها بشأن أمنيتها، قائلة: «لأولادي نفسي ينجحوا ويبقوا مطمنين، ولأحفادي بتمنى سنة سعيدة ليهم واللي بيسوق يسوق على مهله لأني ببقى حاطة إيدي على قلبي، ومايا اللي بتلعب كرة قدم مش كل شوية تجيلنا مكسورة».

سوسن بدر

تصريحات سوسن بدر

وقالت أيضًا: «ربنا يحفظ عيالنا وبلدنا وكل بني آدم يحقق اللي بيحلم بيه السنة دي.. والقرار اللي أخدته في 2023 إن مفيش حاجة في الدنيا تستحق إننا نزعل عليها أو نزعل منها، ولو حد مزعلك التمس له العذر.. واهتمامي بصحتي في 2023 مكنش كبير بزهق بسرعة، ولكن كل اللي بتمناه اتحقق ولكن عندي الأحلام لا تتوقف».

وأضافت الفنانة سوسن بدر: «ممكن أرمي نفسي في النار علشان ولادي، ولو حصل واختفيت لمدة ساعة أحب أقعد على كرسي جنب شباك ماسكة كتاب وأكتر شيء بيسحرني الموسيقى والقعدة مع أصحابي، وشغلي، وأنا خطواتي دايمًا عفوية بس مبحبش أمشي غلط وعمري مندمتش ولكن بتعلم».

واختتمت حديثها: «خطوة كانت وش السعد على لما اختارني الفنان نور الشريف علشان أعمل معاه حبيبي دائمًا، ولما اختارني عادل إمام علشان أعمل سيد الشغال وأحلام الفتى الطائر وسلام يا صاحبي، واتطعنت بخنجر الخيانة قبل كده، ومفيش راجل أو ست مدقش الكأس ده، وأنا بمشي لما تحصل معايا الخيانة».

سوسن بدر