هل يقصد شيرين عبد الوهاب؟.. حسام حبيب يطرح أغنية «كدابة» تعرف على كلماتها| فيديو

طرح المطرب حسام حبيب، منذ قليل، أغنيته الجديدة بعنوان «كدابة»، عبر القناة الرسمية لشركة روتانا عبر موقع الفيديوهات يوتيوب، بالإضافة إلى طرحها على المنصات الموسيقية الإلكترونية.

تعاون حسام حبيب في أغنية «كدابة» مع الشاعر عمرو المصري، إسلام رفعت، توزيع أمين نبيل.

وبعد طرح أغنية «كدابة»، أشاد الكثير بعودته للغناء مجددًا بعد خلافاته السابقة مع طليقته الفنانة شيرين عبد الوهاب، بينما تسائل البعض الآخر: هل يقصد شيرين عبد الوهاب بكلمات الأغنية؟»، خاصًة وأن كلمات الأغنية تتضمن تلميحات حول خلافاتهما التي أثارتها في وسائل الإعلام مؤخرًا.

وتقول كلـمـات أغنـيّة«كدابة»:

 

«كدابة

مليانة عيوب طبعك قلابة

بتعيشي في دور إنك متسابة

استاذة في التمثيل

واخدة شهادة وتوكيل

بتخبي وشوشك وبتتداري في وش غلابة

 

نساية

ناكرة الايام الحلوة معايا

مش بنت أصول ولا فيكي مزايا

شخصياتك انواع

هايلة في فن الاوجاع

وخلصت انا منك اه خرجتك من جوايا

 

✶✶✶

 

وانا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور انا هعرف اعالج نفسي اداويه

ولـو اللي مـا بينا فـي يوم جـه في دمـاغك انسّـيه

شكاية

وكلامك كله كإنه رواية

بتقلفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا

 

✶✶✶

 

قويتك

وتعبت عشانك واستنيتك ودي غلطة عمري اني انا حبيتك

اصل انتي متتأمنيش

انسانه مابتحسيش

وانا اللي غلطت عشان شوفتك تحت وعليتك

 

وانا متبرعلك باللي ما بينا تعيشي عليه

شوفي يالا طريقك وامشي لوحدك كملي فيه

قلبي المكسور انا هعرف اعالج نفسي اداويه

ولـو اللي مـا بينا فـي يوم جـه في دمـاغك انسّـيه

شكاية

وكلامك كله كإنه رواية

بتقلفي طبعا ألف حكاية

وبتعملي فيها ملاك

بتقولي مظلومة معاك

طب يالا يا مظلومة اتفضلي هرميكي ورايا».