هندية: «عملت 11 عمرة وأجهضت مرتين وحلا شيحة في تخبط»

تحدثت الفنانة هندية عن زيجتها الثانية وسبب اعتزالها الفن، وأيضا حلا شيحة التي قالت عنها: «حلا في حالة تخبط وانا لما اطلقت قالولي حد يسيب عربياته وجماله رغم ان أنا كمان كان عندي واسمي كان زي الطبل بس مكنش فارق معايا كل الكلام ده».

هندية وحلا شيحة

وتابعت هندية: « كل واحد حاسس بمشكلته بوجعه، مقدرش احكم عليها واقول ليه قلعت أو لبست كل واحد حاسس بوجعه هو الله اعلم حالتها النفسية إيه مقدرش أقولك».

هندية وإجهاضها

وبشأن سبب حرمانها من الأمومة، فأوضحت: تزوجت وحملت مرتين وأجهضني زوجي وقالي مش عاوز أطفال وأنا زعلت وقولت يمكن عشان راقصة طلع أنه عمل كده في حنان ترك وأكتر من حد ومش عاوز أولاد وسمعت كلامه وسقطت مرتين ولكن بحبه جدا ومسامحاه كمان.

وتابعت: أنا كنت عايزة أبقى أم وهو حرمني لكن في الاخر بقول القرار كان قرار مين ربنا ولا البني آدم هزعل من ربنا ولا منه هو، وبعد ما انفصلت منه قالي ليه سمعتي كلامي؟ قلتله كرامتي وجعتني.

واستكملت حديثها: الموقف ده مسببليش أزمة لاني بشوف اجيال بتحزني وطاقتي قلت، بروح عند أخواتي بلعب مع الاحفاد وبموت في الاطفال ولكن بعد ساعة بقولهم خلاص امشوا مبكونش قادرة طاقتي قلت وربنا لو رايد كنت خلفت.

وعن زيجتها الثانية، فقالت : اتجوزت مرة تانية وقعدت معاه ١١ سنة وروحنا لدكاترة كتير جدا وربنا مكنش رايد وده كان سبب في الانفصال واتجوز وعنده أولاد دلوقتي وبسأل عليه وبيسأل عليا.

هندية واعتزال الفن

وعن سبب اعتزالها الفن، قالت هندية: أستاذ وحيد حامد لما عرف قالي انتي مجنونة حد يعمل اللي انتي بتقوليه ده، قلتلوا اخويا توفى قدام عيني قالي كلنا هنموت.. الصدمة كانت أكبر مني وقلت ممكن اموت في لحظة أنا كمان، وأستاذ وحيد حامد اتصل بيا عشان انزل اروح فرح دينا وقالي بلاش عبط وأول ما قابلوني قالولي اي ده مكنتش قادرة أبررلهم.

وبخصوص الفترة التي قضتها في الاعتزال، فتابعت: قعدت في البيت ١٢ سنة معظم وقتي صلاة وعبادة، عملت ١١ عمرة غير الحج وتسبيح وقراءة قرآن، وكنت في وسط أخواتي وبعد ما اعتزلت ولاد اخواتي قالولي عاوزين ندخل الفن قاتلهم انتوا كنتوا رافضين أنا ادخل وقلتلهم ستوب لان الفن في مخاطر كتير جدا.

هندية