هيدي كرم توجه رسالة قاسية للجمهور: احنا اتهرينا من الشتيمة والتهزيق وقلة القيمة

وجهت الفنانة هيدي كرم رسالة قاسية للجمهور الذي يسب الفنانين ويهاجمهم بشكل جارح، مشيرة إلى أنهم إذا تعرضوا لنفس الأمر لانتحروا بعدها.

هيدي كرم توجه رسالة للجمهور

نشرت هيدي كرم فيديو عبر حسابها بموقع إنستجرام، وقالت خلاله: «احنا اتهرينا والله كمشاهير، بتكلم بصراحة بالنيابة عن مشاهير، وبالأخص السيدات، اتهرينا من الشتيمة والتهزيق وقلة القيمة والإرهاب على السوشيال ميديا، وإنكم بتحسسونا إننا مانسواش، واتهرينا من إننا نتشتم ونتهان ونتهزق».

وأضافت: «اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية، وأي حاجة حلوة أو وحشة مش نافع، متهزقين ووحشين ومشتومين».

 

View this post on Instagram

 

A post shared by Heidy Karam (@heidykaram)

واستكملت هيدي كرم حديثها، قائلة: «صدقوني الناس اللي بتشتمنا لو شتمناهم نفس الشتيمة هينتحروا تاني يوم، احنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص».

وتابعت: «كده كتير شوفوا لكم لعبة تانية لإن كرامتنا مش لعبة في إيدكم وبالراحة علينا كل واحد عنده مشاكل ومآسي وناس فقدها وأزمات في شغله وأزمات عائلية واجتماعية وعاطفية وصحية وأرجو ورجاء محبة تخفوا على بعض شوية مفيش بيننا وبينكم طار ونجحنا مش معناه فشلكم وممكن كل الناس تنجح، أرجوكم ورجاء محبة بالراحة على أخواتكم الفنانين المبدعين الطيبين الحلوين اللي بيعملوا لكم حاجات حلوة».

هيدي كرم مسلسل جعفر العمدة

تحدثت الفنانة هيدي كرم عن كواليس اعتذارها عن مسلسل جعفر العمدة، الذي حقق نجاحًا كبيرًا ضمن موسم دراما رمضان 2023 الماضي.

وأوضحت هيدي كرم في تصريحات تلفزيونية لها أنها اعتذرت عن المشاركة في مسلسل جعفر العمدة، لأسباب شخصية، ولكن بعدها شعرت بالحزن بعد النجاح الكبير الذي حققه المسلسل.

وقالت: «أنا اعتذرت لأسباب شخصية، زعلت طبعًا كنت أتمنى أكون جزء من النجاح ولكن أنا ببص للأمور من وجهة نظر مختلفة.. يعني أنا جالي أدوار أنا أفتكر إنها مكنتش بتاعتي خالص».

واستكملت الفنانة هيدي كرم قائلة: «جوري بكر اللي عملت الدور ده أنا مؤمنة إن ده كان نصيبها، على قد ما زعلت على قد ما قولت أنا كنت في المكان ده في وقت من الأوقات وربنا كتبلي دور غيّر مسار حياتي هي كمان ده وقتها».

وتابعت حديثها عن جوري بكر، قائلة: «شايفة إن جوري بكر صبرت كتير ومتحسش بيها فترة.. لأن ربنا كان شايلها حاجة حلوة وأنا سعيدة لنجاحها».