وائل الفشني: صعبان عليّ اللي بيحصل في الفن.. فيديو

أنس سمير 04 فبراير 2023 | 12:44 صباحاً

تحدث المطرب والمنشد وائل الفشني، عن حال الغناء في الوقت الحالي، واشادته بالمطرب أحمد سعد، وأمنيته عمل تجربة مع الراحلين عبدالرحمن الابنودي وعمار الشريعي.

وقال وائل الفشني، ببرنامج سبوت لايت المذاع عبر قناة صدى البلد وتقديم الإعلامية شيرين سليمان: احنا بلد الفن والأصالة وكل حاجة حلوة واحنا جامدين في كل حاجة وصعبان عليا اللي بيحصل في الفن بالغناء الأيام دي وبقول الحمد لله رب العالمين عندنا أحمد سعد وبهاء سلطان ومحمود الليثي في الشعبي.

وأضاف الفشني: الخال عبدالرحمن الابنودي وعمار الشريعي كان نفسي هما الاثنين أعمل معاهم عمل، وأحمد سعد هو المطرب الوحيد الجرئ اللي راح يغني في المهرجانات وهنا وهنا ونوع في كل حاجة، وهو لازم يروح للجيل الموجود ويخاطبهم بدماغهم .

وائل الفشني: ورثت صوتي من أمي

وقال وائل الفشني خلال حواره: صوتي وارثه من أمي وعيلة والدتي أصواتهم جميلة، وأنا بغني من عمر 5 سنين، وأنا صغير بحب الطبلة وبحب الايقاع جدا، وأول ما جيت القاهرة كان نفسي أغني، ومكنش عندي الامكانيات.

وائل الفشني تابع: بهاء سلطان اشتغلت معاه في فرقته وقعدت معاه فترة طويلة جدا، وأول واحد كنت معاه في فرقته، وكان نفسي أخش في الغناء.

أضاف: أول واحد خلاني أغني هو فتحي سلامة، بحق ربنا هو أول واحد خلاني أدمج بين العزف والغنا، ولفينا كتير جدا وكان أول واحد خلاني أقف قدام المايك.

وتابع: أنا بغني اتعرفت على الأستاذ أحمد الفيشاوي وهو صاحبي جدا وعشرة عمر، وعملت كليب اسمه سيبوني أعيش وده أول كليب عملته معاه، وكانت تجربة حلوة أوي.