والدة داليا شوقي تدافع عن بناتها وترد على جدل تصريحها السابق

علقت الفنانة منال الفطاطري والدة داليا وبسنت شوقي تفاصيل منشورها وردها على منتقدي دور ابنتها في مسلسل سفاح الجيزة، قائلة: «لن أدعي أني فقيهة في اللغة العربية ولكن عندي شوية خبرة».

وتابعت الفنانة منال الفطاطري والدة داليا وبسنت شوقي في تصريحات تلفزيونية لها: «وبحب اللغة بتاعتي وبستطعمها، وبحب أحس بكلامي وأنتقيه وكان فيه فئة من الناس مش كتير بيأذوني أنا وبنتي».

منال الفطاطري والدة داليا وبسنت شوقي

واستكملت: «كنت بحاول أتغاضى وأسيب كل واحد يقول اللي عاوزه.. لقيت الموضوع زاد عن حده ولقيت تريقة وحاجات مش هتفيد ولا هتقدم بل بالعكس ممكن تأذي وتأخر.. لما أقول رأيي في حاجة يبقى من جوايا عاوزة رأيي يتسمع ويكون ذو قيمة عكس لما أشتم حد وأتريق عليه».

وأضافت منال الفطاطري قائلة: «أنا اتحرقت على بنتي وناس كتير علقت وقالت لي أنتي هتكفرينا، لأ ده تعبير مجازي بمعنى شوية رحمة وأنا بقصد فئة من الناس مش بوجه كلامي للناس كلها، قصدت الناس اللي فيه في كلامها تطاول شديد ووراه عدم رحمة ورقة في القلوب.. إحنا كبرنا على معشر قريش وأبو لهب واللي هما الناس اللي معندهمش رحمة».

والدة داليا شوقي

والدة داليا شوقي

وقالت والدة داليا شوقي أيضًا: «لكن أنا مجبتش سيرة نسب النبي ده كان تخيل مغلوط من الناس لأن المقصود تعبير مجازي، ودعمته بعبدة الأصنام وهو أيضا تعبير مجازي بمعنى أنكم لا تتفكرون فيها، لإن بنتي عملت المشهد بإحساس شديد اللهجة وكل خلية في جسمها بتتكلم من صوت ونظرات وأداء ولما أشوف حد متقمص ومتحرك وواكل الشخصية وعايش فيها غير لما أشوف واحدة زي تمثال فهل أنتم تعبدون الأصنام؟».

واستكملت حديثها عن ابنتها، قائلة: «داليا حست بالمشهد وإحنا عندنا علم بجذور وخلفيات المشهد ودي واحدة عندها مشاكل في البيئة بتاعتها وكان ليها تاريخ مكتوب وحياتها صعبة، ونقد بنتي وجعني وده مش نقد ده تطاول.. مقلتش لداليا هكتب بوست، وأنا مفكرتش إني أكتب البوست ولكن حسيت إن الناس دي معندهاش رحمة وحرام خاصة إنها تعبت نفسها وبذلت مجهود».

وتابعت: «والحمد لله المخرج نصرها وقال المشهد مسؤوليتي لأنه حرام تشيل شيلة مش بتاعتها، والمخرج في ضهرها والأخطاء بتحصل وبتعدي وفيه كتير دافعوا عنها وعلى راسهم كاملة أبو ذكري».

منال الفطاطري والدة داليا شوقي

والدة بسنت شوقي

كما تحدثت أيضًا والدة بسنت شوقي عن شائعات طلاق ابنتها من الفنان محمد فراج، موضحة أنها لم تعد تقلق من شائعات طلاق فراج وبسنت وتعودت على هذا الأمر.

وقالت الفنانة منال الفطاطري والدة بسنت شوقي: «كنت الأول بقلق بس هما أثبتوا كفاءة إنهم صامدين.. بقى عندنا شماعة لكل حاجة بإننا محسودين، الحسد موجود في القرآن بس مش عايزة استعمله كشماعة، أنا بقيت أنفض للكلام ده محسودين إيه، في حاجات نشتغل عليها».

كما كشفت علاقتها بزوج ابنتها الفنان محمد فراج، قائلة: «مينفعش أبقى حما على محمد فراج، وبحاول أوازن بينه وبين بسنت هو حبيبي أوي، طيب ومسالم جدًا، فياخد قلبي بالحاجات دي، وفراج راجل وابن بلد».

منال الفطاطري والدة بسنت شوقي