والدة فتاة البراجيل: عاوزة حق بنتي من خطيبها مضاها على 18 كمبيالة وكان بيسرق فلوسها ويضربها

قالت والدة رحاب فتاة البراجيل، أنها نجلتها كانت مخطوبة لشاب يدعى 'حسام'، يعمل فى مغسلة فى البراجيل وعندما ظهرت عيوبه قررت أنها تنفصل عنه، خطبها لمدة 6 شهور وكان بيسرق فلوسها ويضربها.

وأضافت خلال تصريحات صحفية، 'جات قالتلى ده بيضربنى وبيسرق فلوسى، قولتلها سيبه وقولتله ماتجيش لبيت هنا تاني، وبعد أسبوع صاحب المغسلة اللى شغال فيها جابوا ورجعوا، وطلب منى أنه يرجعلها ورجع وحصل معاها مشكلة وراح ضربها فى الشغل'.

وتابعت 'سايبها ورحع تاى مرة كمان وسيد اللى رجعها، واتصلت بوالد حسام وعرفته اللى ابننه بيعمله وخد الدهب باعه وقالى عشان والدى بيعمل عمرة للعربية، قالى لو جاى عندك تاى اضربى وخدى واعمله محضر فى القسم'.

واسطردت حديثها 'قالى أنا هسألك على حاجة هو حسام جابلك أنبوبة قولتله لاء فالى ده قالى أنك محتاجة أنبوبة وخدها عشان يجبهالك قولتله ابنك حرامى ومجابليش حاجة، وأنا طردته وهو بيلف على ولادى المتجوزين بيقولهم أنا عاوز أرجع لرحاب'.

واستكملت' سيد كان بيحاول يرجعها وهو زى أخوها وماكانش عاوز يخطبها ولا حاجة ولو كنت محتاجة أى حاجة كنت بكلمه وحسام غدر بيه وقتله بعدين عشان كان غيران منه'.

وأوضحت حسام خد قرض وكان عاوز بنتى اللى تسدده ومضها على 18 كمبيالة، وكان بيهددها بالقتل، وجلنا واحد من البنك اسمه ربيع وقالى حسام اللى كان خاطب بنتك، كان واخد قرض ورحاب كانت ضمنها قولتله واخنا مالنا قالى هى ضامنه ولازم هى تسدد مكانه عشان هى اللى ضمنه.

روحت قولت لرحاب إنتى ضامنه حسام فى قرض وخايفة تقوليلى قالتى هو ربيع قالك قولتلها ولا يهمك أنا هسده ولا يهمك خالص وبعد يومين حصل اللى خصب وأخدت الحبة وتعبت وقعدت 4 أيام تعبانة وماتت، أنا عاوزة حق بنتي وكل من كل اللى اتكلم عليها أو قال أى كلمة في حقها 'حسبى الله ونعم الوكيل'.

كانت أقدمت رحاب فتاة البراجيل على التخلص من حياتها، بعد تناولها حبة الغلة السامة وقبل تناولها الحبة نشرت فيديو على مواقع التواصل الاجتماعي وهي تقول وصيتها الأخيرة.

رحاب فتاة البراجيل