والد ياسمين صبري يرد على تصريحات ابنته: أحيانا يطلع عيل من عيالك ناكر للجميل

رد أشرف صبري والد الفنانة ياسمين صبري على تصريحاتها الأخيرة، حول معاناتها في طفولتها وانتمائها للطبقة المتوسطة، وكتب عبر حسابه الرسمي بموقع فيس بوك: «بعد الواحد ما كبر ويشوف ولاده يحمد ربنا اتربوا كويس رغم إننا طبقة متوسطة عاشوا في بيت أبوهم وبناتي كانوا في مدرسة EGC بتاعة الطبقة المتوسطة».

وتابع والد ياسمين صبري: «كنت مهتم تكون مربيتهم فلبينية عشان يتكلموا اللغة الإنجليزية كويس بتاعة الطبقة المتوسطة اشتغلت طبيب واتعلمت بره علشان أنجح أولادي في الطبقة دي وابني كان في مدرسة فيكتوريا.. دلوقتي ابني في أمريكا بيشتغل بعد ما جوزته الحمدلله ونرمينة بنتي جوزها دكتور زيي بس أطفال من الطبقة المتوسطة».

والد ياسمين صبري

واستكمل: «والتانية فنانة وعندي بنت فرنساوية كنت بفسحهم دايمًا في اليخت بتاعي الصغير بتاع الطبقة المتوسطة!.. كلهم بيحبوا أبوهم والكسندرا هتتجنن وتيجي مصر لأنها مع أمها في فرنسا علشان تقعد مع أبوها وهي الوحيدة البعيدة لكنها لها أم محترمة تعرف تخلي أبوها رمز حتى لو بعيد ومنتظر وصولها بفارغ الصبر».

واختتم والد الفنانة ياسمين صبري: «أحيانًا يطلع عيل من عيالك براوي وناكر للجميل ويتكلم كأنه بيمثل فيلم كله اختراعات لكن دي سنة الحياة، المهم إنهم كويسين وبخير، وأحب أوضح إننا كنا سعداء في الطبقة المتوسطة لحد دلوقتي الحمدلله».

والد ياسمين صبري

تصريحات ياسمين صبري

يشار إلى أن الفنانة ياسمين صبري كانت قد أعلنت أنها نشأت في أسرة متوسطة وتعلمت بمدارس حكومية، قبل أن تترقى في حياتها بعد أن سافرت والدتها وحققت ثروة استطاعت بعدها تنتقل إلى مدارس خاصة.

وأكدت ياسمين صبري في تصريحات تلفزيونية أنها عانت في بداية حياتها حتى تتمكن من الحصول على سيارة خاصة بها من عملها الخاص، حيث تركت العمل في مكتبة الإسكندرية لعدم حصولها على راتب ثابت، واضطرت للعمل في شركة اتصالات، وبعدها اشترت أول سيارة بالتقسيط مع البنك، كما أن جدتها كانت المسئولة الأولى والأخيرة عن تربيتها، وأنها هي السبب في نجاحها وتكوين شخصيتها.

ياسمين صبري

ياسمين صبري