والله عيب.. عمرو محمود ياسين يدافع عن مخرج افتتاح المتحف المصري الكبير

علق الفنان والكاتب عمرو محمود ياسين على الهجوم الذي تعرض له مخرج حفل افتتاح المتحف المصري الكبير عبر مواقع التواصل الاجتماعي، مطالبًا الجمهور بالتوقف عن التنمر والانتقادات القاسية، ومؤكدًا أن أي فنان أو مبدع يمكن أن يمر بلحظات عدم توفيق دون أن يُحاكم بهذه القسوة.

وقال عمرو محمود ياسين في منشور عبر حسابه على فيسبوك: 'يا جماعة خلاص يا جماعة والله عيب، والله العظيم عيب، مش معقول يعني لو فرض إن المخرج عنده بعض الأخطاء، مش معقول السوشيال ميديا كلها طالعة يا تهاجمه يا تستظرف عليه يا يتنمروا عليه، واللي بينزل صورته وحاجات غريبة جدًا كأنه الراجل المحترم ده ما لوش أهل، ما لوش أولاد، ما لوش زوجة، ما لوش أب ما لوش أم... حد فكر فيه هينام الليلة دي إزاي؟ حد فكر في أسرته؟'.

وأضاف: 'في الأول والآخر اللي مش عاجبه الإخراج، فاهم كويس جدًا إن المسألة كلها لا تتعدى عدم التوفيق، عادي كلنا ممكن نعمل شغلانة ويبقى عندنا حظ وننجح ونكسر الدنيا أو يبقى عندنا عدم توفيق وما نحققش أفضل أداء، ليه المشانق اللي بتتعلق دي؟ وفي الآخر لما حد بيجراله حاجة من الضغط النفسي بنزعل! أنتم متخيلين الراجل ده بقاله قد إيه تحت ضغط نفسي رهيب ومجهود كبير؟ بالراحة شوية... بالراحة مش كده'.