وزيرة الهجرة ردا على منتقديها : « لما بكلم فضيلة الإمام الأكبر بقوله يا أبويا »

نشرت السفيرة نبيلة مكرم وزيرة الدولة للهجرة وشئون المصريين بالخارج بوست عبر صفحتها على فيسبوك ترد فيه على منتقديها بسبب صورتها الأخيرة مع البابا والتي أظهرت خلالها دعمها له .

 وكتبت الوزيرة « صدقوني مش فاضيين .. فى الوقت اللى الدولة بتواجه تحديات على كل جبهة والشعب مؤمن بالله الواحد وبقيادته المخلصة، الاقى بعض النفوس اللى اتضايقت من صورتى مع قداسة البابا تواضروس الثانى »

وأستكملت « احب افكرهم بصورتى فى عام ٢٠١٧ مع بابا الفاتيكان اللى برضه البعض وقتها انزعج من طريقة سلامى له ( Reverence وعايزة أوضح بعض النقاط ).

                                      ١. انا وزيرة مصرية فى حكومة مصرية. ٢. اتشرف بطريقة سلامى لرموز الكنيسة. ٣.اتشرف بانى وزيرة بتشتغل فى عهد تحترم فيه القيادة المصرية كل المواطنين المصريين رغم التركة الثقيلة اللى ورثتها. ٤. اتشرف بانى لما باحضر مقابلة مع السيد الرئيس بيعرفنى بانى الوزيرة المصرية مش بيعرفنى بطريقة طائفية. ٥. اتشرف بانى لما باكلم فضيلة الامام الاكبر على التلفون بقوله يا ابويا وهو بيقولى يابنتى العزيزة .

واستكملت السفيرة نبيلة مكرم « خلاصته.. لو حضراتكم فاضيين ...احنا مش فاضيين ورانا شغل كتير، ورانا نحمى بلدنا ورموزنا مش بس من تحديات خارجية انما كمان نحميهم من الفكر والثقافة المتواضعة جدا لدى البعض.» .