وسط غياب نجوم الفن.. لقطات من جنازة الفنان بهاء الخطيب

شيعت أسرة الفنان الشاب بهاء الخطيب جثمانه منذ قليل، من البدرشين بعد وفاته المفاجئة.

أقيمت جنازة الفنان بهاء الخطيب وسط غياب نجوم الفن، من مسجد خاتم المرسلين في قرية ميت رهينة التابعة لمركز البدرشين.

جنازة الفنان بهاء الخطيب

وتم الدفن في مقابر العائلة بمقابر ميت رهينة بالبدرشين، وسط حالة من الحزن والصدمة من المقربين والأصدقاء والأسرة.

تسببت وفاة الفنان الشاب بهاء الخطيب في صدمة بالوسط الفني، بعد وفاته المفاجئة خلال الساعات الماضية.

وفاة الفنان الشاب بهاء الخطيب

وكتب الفنان والسيناريست كريم سرور عن وفاة بهاء الخطيب في منشور عبر حسابه الشخصي بموقع فيس بوك: «بهاء الخطيب مات!! إيه الاختبار ده!! ليه بالقسوة دى.. يعني إيه ده بالذات يموت ده مكنش بيمل ولا بيكل من كلامه عن أحلامه».

وتابع: «اللي ماشي يجمع فينا ويلا عرض يلا فيلم يلا نشتغل ومتستنوش الفرصة أعملوها، اشتغلوا حبوا بعض، عمري ماشوفتك مكشر حتى في عز إحباطك من اللي خذلوك علطول مبتسم في وش الناس، قلتلك يا بهاء أنت الوحيد اللي متأكد إنه هيكون نجم، كنت متأكد من ده، كنت عارف أن تعبه ده كله هيجيب فايدة».

واستكمل كريم سرور حديثه عن بهاء الخطيب: «يعني إيه مات قبل ما يحقق أحلامه، إيه ده! ليه كدة!! استغفر الله العظيم يارب، قلبى وجعني أوي أوي، مقهور يا أخي ومش عارف أبطل عياط عليك، مش هعرف أشيل خشبتك يا بهاء، مع السلامة يا جميل يا محترم يا بشوش يابو قلب أبيض، ربنا يرحمك يا حبيبي».

وأضاف: «تستحق تكون في جنة اللي خلقك، هو عارف إنك متستاهلش الدنيا دى يا بهاء، قلبي وجعني أوي ومش عارف أقول إيه ولا أكتب إيه، حقيقي مش مستوعب إزاى الموت قريب أوي كدة وقاسي كدة، غيابك هيفرق أوي يا بهاء والله العظيم، سلام يا صاحبي، ربنا يرحمك يارب ونبي أدعوله يا جماعة والله يستحق الدعوة والرحمة على قد نيته وقلبه وحبه للناس».

واختتم كريم سرور: «لا عمره قالي مين يستاهل ومين ميستاهلش مكنش بيقول غير نشتغل ونعمل اللي علينا وبس.. الله يرحمك يا بهاء يا موهوب يا نضيف، سلم على اللي عندك وأنتم السابقون ونحن اللاحقون»