وفاء سالم عن صورها أثناء عملية التجميل: عمري ما وصلت لكده

كشفت الفنانة وفاء سالم، حقيقة الصور والفيديوهات التي ظهرت فيها على السوشيال ميديا أثناء خضوعها لعملية التجميل الأخيرة.

وقالت وفاء سالم  في تصريحات تلفزيونية عن تلك الصور والفيديوهات: «مش لدرجة دي، واللي في الصورة فيه فوتوشوب، وعمري ما وصلت لكده، في لقطات وشي كان فيها انتفاخات كبيرة من الفيلر».

وفاء سالم تكشف تفاصيل عملية التجيمل

وتحدثت عن تفاصيل عمليات التجميل التي خضعت لها، قائلة: «بدأت الحكاية بإن تعالي اتفرجي، وأنا مكنتش عارفة الفرق بين الجيد والسيئ والفيلر، لازم تبقي عارفة من اللي بيحقنلك، وأنا مش عارفة أقول إيه في الناس اللي بتثق في أي حد بدليل أني وثقت ووصلت لحاجات مش لطيفة».

وأضافت وفاء سالم: «قالوا لي الأول هنعمل لك حاجة فيها نضارة وطلعت حقن، وأول حاجة اتعملت كانت حقن في شفايفي، ولما جيت أتكلم لاقيت إني مش عارفة أملك الحروف، وكمان ناحية الخدود، ولاقيتهم عملوا لي سداغ كبيرة، وخدودي كبرت من حقن الدهون، وقالوا لي ده صحي، وكتر الكلام خلاني أصدق».

كيف تدهورت الحالة الصحية لـ وفاء سالم؟

واختتمت وفاء سالم: «أنا عملت خيوط وكل دكتور يجود عن التاني، وعند كل مرحلة لاقيت الدنيا بتبوظ مني، ومكنتش طايقة أبص لنفسي، ولما عملت مسلسل مع عادل إمام وكلبش 2 العملين دول بدأ يبقى وشي لما ببص في المونيتور يبقى وحش وأصلح يبوظ، وكان أدائي ناقص ومش حابه روحي».

وفاء سالم تحذر من إجراء عمليات التجميل في هذه الحالة.. وتطمئن جمهورها

وزارة النقل تصدر بيانا بشأن المشروعات صديقة البيئة.. صور