وفاء عامر: أنا ست قوية وعنيدة محدش هيقدر يسكتنا غير بالموت

حرصت الفنانة وفاء عامر على التعليق من جديد، على اتهامات الإتجار بأعضاء لاعب كرة القدم الراحل إبراهيم شيكا.

قالت وفاء عامر عبر تصريحات تلفزيونية: «الست دي اختارت أكبر نجمة على تيك توك، وأنا فعلًا من الأكثر متابعة على المنصة، ومع ذلك مش بظهر كتير، إلا لو فيه حالة إنسانية حقيقية محتاجة دعم زي حالة الطفل علي محمد دوشين، اللي علاجه مش متوفر في مصر وتكلفته 150 مليون جنيه».

تصريحات وفاء عامر

وتابعت: «فبنطرق كل الأبواب وده تحت رعاية وزارة التضامن، يعني مش لمصلحتي الشخصية، واللي بيحصل هو ضرب في القوى الناعمة لمصر».

واستكملت وفاء عامر: «عندنا نقابات قوية ونقيب فنانين مابيسكتش على الظلم، محدش هيقدر يسكتنا غير بالموت، ولماذا كل هذا الصمت من إيمان الطوخي؟ ما تطلع تتكلم وتقول مش بنتي، حتى لو هي معتزلة أو محجبة».

وفاء عامر تدافع عن نفسها

وأضافت: «أنا ست قوية وعنيدة، ومبنامش غير لما آخد حقي، ولو اللي قدامي ضعيف بسامحه، لكن الحالة دي وراها ناس، وأنا هجيب كل اللي وراها، بلدنا قوية، ونائب عامنا قوي، وأنا بتحدى أي حد يثبت أن الست دي بنت الرئيس الأسبق حسني مبارك، إحنا معندناش الكلام ده».

واختتمت وفاء عامر: «أنا ست مصرية حرة، زوجة راجل محترم وبنت راجل جدع، وعيلتي فيها رجالة، ومطلبتش من حد يدافع عني عشان لما يتقال حاجة يتقال إني دافعت عن نفسي بإيدي».