وفاء عامر تدعو لاحترام المساعدين في المنازل: «قولوا عليهم مساعدين مش شغّالات»

وجهت الفنانة وفاء عامر رسالة مؤثرة للجمهور، تدعو فيها إلى احترام وتقدير العاملين والمساعدين في المنازل، وكذلك إلى التكافل الاجتماعي مع من حولنا، خاصة الفئات البسيطة التي ترافقنا في حياتنا اليومية دون أن نشعر أحيانًا بأهمية أدوارهم.

وقالت وفاء عامر، في مقطع فيديو نشرته عبر حسابها على مواقع التواصل الاجتماعي فيس بوك، إن الكثير من الناس يحبون تجديد منازلهم، ويشترون أواني جديدة وكؤوس وأطقم مطبخ، وفي الوقت نفسه قد يكون هناك من حولهم من يحتاج إلى أقل القليل.

وأضافت وفاء عامر قائلة: "لو عندكم كوبايتين أو تلاتة مش عايزينهم، ابصوا حواليكم، شوفوا مين ناقصه. الحارس، البواب، الأمن، أي شخص من اللي بيخدمونا وبيحرسونا، يستحق ده، ومش بنقول بواب، بنقول حارس، لأنه بيحرسنا، والحارس هو الله، لكن ده دوره في المكان، فلازم نديه التقدير اللي يستحقه".

وأكدت أن المساعدين في المنازل يستحقون الاحترام الكامل، داعية إلى عدم استخدام ألفاظ مهينة في الإشارة إليهم، خاصة عبر تطبيقات مثل "تروكولر"، قائلة: "من فضلكم، بلاش تكتبوا على الموبايل كلمة "الشغالة"، لأن ده بيطلع في التروكولر، وده لا يليق، قد تكون هذه السيدة لديها ابنة دكتورة، أو محاسبة، أو مهندسة، فلا يصح أن نصفها بتعبير مهين، وهي في الحقيقة تقوم بدور عظيم".

وتابعت: "قولوا "المساعدة"، أو "الحاجة فلانة"، أو "الأخت فلانة"، أو "العزيزة الغالية".. لأنها فعلاً غالية، لأنها شايلانا، وبتغسل مكاننا، وبتقف على الحوض.. دول أولى، والأقربون أولى بالمعروف. الأقربون مش بس أهلك، دول كمان الناس اللي معاك في بيتك".

ودعت وفاء عامر إلى تعليم ثقافة الشكر والامتنان في أبسط المواقف، حتى في لحظات التعب أو الضيق، موضحة:

"لما حد يعمل لنا حاجة، حتى لو كنا متضايقين أو مرهقين، لازم نقوله شكراً، جزاك الله خير، أو ميرسي، أو ربنا يسعد قلبك، لأنه ساعدك، وربنا يساعده ويسعد قلبه. ده اللي أنا عايزاه مننا كلنا".

واختتمت رسالتها قائلة: "أنا بحبكم، عشان كده بقول لكم الكلام ده من قلبي، والله العظيم. ودي رسالتي قبل ما أوصل مدينة الإنتاج الإعلامي. اسمعوني، وخلونا نبدأ بأنفسنا".