وفاة والد الفنان شريف إدريس

أعلن الفنان شريف إدريس عن وفاة والده، صباح اليوم الجمعة 10 فبراير، ولم يحدد حتى الأن، موعد ومكان جنازة والده.

وفاة والد شريف إدريس

كتب الفنان المعتزل شريف إدريس عبر حسابه بموقع فيسبوك: «إن لله وإنا إليه راجعون.. أبويا مات».

اعتزال شريف إدريس

جدير بالذكر أن الفنان شريف إدريس، أعلن منذ شهور اعتزاله الفن والبحث عن فرصة سفر للخارج، وكتب شريف على حسابه عبر حسابه بموقع التواصل الاجتماعي «فيس بوك»: «بعد 35 سنة سعي وتعب وشقى في الوسط الفني، قررت الاعتزال والابتعاد تماما وتغيير مسار حياتي، وأي حد عنده فرصة سفر ليا هاكون شاكر ليه وده طلبي الوحيد.. وده قرار أخدته بعد ما الأمور وصلت في الوسط الفني لمرحلة عبثية، وصلت إلى إني بقيت بشوف بعض الزملاء بيشحتوا الشغل علني علشان يشتغلوا لأن الشغل بقي متقسم علي ناس معينة.. فلو الأمور وصلت لكده أبعد أحسن.. وحتى لما ييجي شغل بيتفرض عليك توافق بأقل الفلوس وتخرج من الشغل مديون».

وأضاف شريف: «مواقف مهينة زي إن شركة إنتاج تعرض عليك أجر هو قيمة ربع أجرك والسبب إن الميزانية مصروفه ع الديكور..طب خلو الديكور يمثل.. هحكيلكم موقف حصل معايا من أسبوع..اتصل بيا حد قالي عايزين حضرتك بكره عندك تصوير في مسلسل كذا بس هتدفع عشره في الميه للكاستينج دايريكتور..كان هيجيلي جلطة بعد ما قفلت المكالمة ووافقت علشان أنا محتاج اشتغل ومحتاج فلوس، ما قدرتش استوعب الفكرة بصراحة إني بعد العمر ده مضطر أدفع علشان اشتغل فاتصلت واعتذرت وده الحال حاليا، الأمور بقت في ايد كاستينج دايريكتور.. وده موقف من مواقف كتير مريت بيها لو حكيتها محتاجه كتاب مش بوست على الفيس.. طالما الشغل بقي لازم يتدفعله.. وطالما الشغل بقي بالشحاته..يبقي بلاش أحسن»

وتابع، « أنا طول عمري راضي الحمد لله.. بس حقيقي أنا وصلت لمرحلة اكتئاب وصلتني إني بقيت بنام أحلم بكابوس إني بقتل عيالي وبقتل نفسي لإني وصلت لمرحلة نفسية ومادية صعبة وبقيت مش قادر أربيهم ولا أصرف عليهم وأنا عندي تلات أطفال بعبدهم عباده متخيلين حجم المسؤلية.. وبقيت مديون لطوب الأرض»

واختتم حديثه: «حقيقي لو حد عنده فرصة سفر ليا هاكون شاكر ليه جداً وهيكون جميل في رقبتي لحد ما أموت لأن حقيقي أنا مش قادر أعيش في البلد دي تاني، أنا حاولت أسعي في أي مجال تاني بس ماقدرتش، وحقيقي لو اتعرض عليا بطولات بعد البوست ده هرفضها لأن البوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله علي كل شئ.. همسح ابلكيشن فيسبوك من تليفوني لأني هنزل أبيع تليفوني أصلا.. فأنا هاكون متاح أونلاين لحد بالليل.. لو حد عنده فرصة شغل وسفر ليا ومش معاه رقمي يا ريت يجيبه من أي حد، أنا مش محتاج طبطبة من حد أنا محتاج فرصة سفر وشغل تخليني أعيش ولادي حياه كريمة وبشكركم ومحبتي للجميع، هاين عليا أقوم ارمي نفسي من البلكونة بعد ما وصلت إني أكتب البوست ده». فنانون ابتعدوا عن الوسط الفني بسبب قلة الأعمال .. أخرهم شريف إدريس  5 معلومات عن الفنان شريف إدريس بعد إعلان اعتزاله الفن شريف إدريس يعلن اعتزاله الفن: «بقيت مديون لطوب الأرض» مشاهدة مسلسل وبينا ميعاد الحلقة الأخيرة HD.. تصالح نادية وحسن أحمد حاتم: أنا زملكاوي والمطاريد غير مرتبط بفيلم 4-2-4 كحدوتة