ويجز: بسمع أغاني هشام عباس والموتوسيكلات هوايتي

كشف مغني الراب ويجز، عن أمور عديدة تخص أغانيه التي يقدمها للجمهور، والأغنية التي يفضل سماعها، والمطربين الذين يحب سماع أغانيهم، وهوايته المفضلة ، وأمور أخرى عديدة، وذلك على خلفية الحفل الذي أحياه مؤخرا في الرياض بالمملكة العربية السعودية وشارك فيه المطربة أنغام بالحفل.

نستعرض لكم أبرز تصريحات ويجز الأخيرة في السطور التالية:

- جيت حفل ليلة صوت مصر عشان أختبر نفسي وأتعلم، وأول ما قالولي هتعمل حاجة مع أنغام فكرت أهرب لأنها تجربة جديدة عليا وصعبة.

- كل تجربة فيها السهل وفيها الصعب.

- أنا اللي ببقى كاتب الأغاني اللي بغنيها عشان كدة ببقى حافظها ومش صعبة عليا.

- لما بيعدي وقت بقعد أسمع الأغاني 3 أو أربع مرات عشان أركز وأقولها صح زي ما غنيتها.

- أي جملة بشوفها جميلة بكتبها وبعدين أشوفلها قافية.

- ممكن أكتب الأغنية سطرين وأسيبها شهرين وأرجع أكمل تاني.

- المرأة نص المجتمع ولما بتكلم عن الست فهي أمي وأختي.

- عايز أقول بالراحة شوية على البنات في مصر والناس ضاغطين عليهم شوية.

ويجز: هوايتي المفضلة سواقة الموتوسيكلات

- هوايتي المفضلة سواقة موتوسيكلات في الصحراء مع أصحابي.

- بسمع أغاني للمطربين هشام عباس وإيهاب توفيق.

ويجز: بحب أسمع أغنية عودة لحميد الشاعري

- أغنيتي المفضلة اللي بحب أسمعها هي عودة لحميد الشاعري.

- إدوني فرصة واسمعني ممكن تنبسط.

- لا تحكم على الكتاب من غلافه، لو مش عاجباك أغنية اسمع اللي بعدها.

- أنا بحاول أعمل حاجة ترضي كل الأذواق.

أنغام تغني مع ويجز لأول مرة في حفل ليلة صوت مصر

كريستيانو رونالدو مع ويجز وأبناء أنغام في السعودية

شيكو عن لقاءه مع ويجز:  لقاء السحاب بين الضحك والراب