ياسر جلال لـ صدى البلد: علاقة مشروعة يناقش قضايا مهمة وبعض الأزواج يتعرضون للفتور ما يجعل الرجل ضعيفًا

دينا دهب 01 ابريل 2023 | 04:30 مساءً

تحدث الفنان ياسر جلال عن الرسائل الذي يقدمها مسلسل علاقة مشروعة، الذي يشارك في بطولته ويعرض حاليًا ضمن مسلسلات رمضان 2023.

ياسر جلال يتحدث عن مسلسل علاقة مشروعة

قال الفنان ياسر جلال خلال حديثه، لموقع قناة صدى البلد: «مسلسل علاقة مشروعة بيناقش قضيتين مهمين جدًا وهما العنف ضد المرأة وبيرفضه تمامًا لأن ده بيفسد العلاقة بينهم وبيخلي الست تكره الراجل، وتاني حاجة هي الزواج الثاني لأن دي حاجة لازم الزوج يفكر فيها ألف مرة لأنه مش هيقدر يحقق العدل ولازم ميظلمش مراته ودي وجهة نظري وأحد القضايا اللي بيطرحها المسلسل».

مسلسل علاقة مشروعة

وتابع: «الفنان لازم يبقى حريص إن الجمهور يشوف نفسه في هذا العمل، أو يشوف حاجة تخصه في العمل، ومن هنا الجمهور بيبدأ يتعلق بالعمل اللي بنقدمه وبينتبه للرسالة اللي بنقدمها في العمل، وعشان كده كل ده لازم يكون في إطار مشوق وجذاب عشان الرسالة تصل والجمهور يتلقاها».

مسلسل علاقة مشروعة

ياسر جلال والزواج الثاني

واختتم ياسر جلال حديثه وقال: «الخلافات الزوجية اكيد كتير، وفي برضه بعض الأزواج بيتعرضوا لفتور في العلاقة الزوجية بعد فترة من الجواز، وهنا الراجل تحديدًا بيبقى ضعيف وبيبقى عُرضه إنه يقبل على الزواج الثاني».