ياسر جلال يكشف سبب عدم ظهوره في برامج رامز جلال: عايز ناس دمها خفيف

كشف الفنان ياسر جلال عن السبب الذي يجعله لا يظهر في برامج المقالب التي يقدمها شقيقه الفنان رامز جلال.

وقال ياسر جلال خلال "لايف" عبر حسابه على بموقع التواصل الاجتماعي فيسبوك: "أنا بتفرج على برنامج رامز وبحبه، لكن الناس فاكراني لو طلعت معاه هضربه، أنا لو اتعمل فيا مقلب عمري ما هضرب أخويا".

وأضاف: "أبونا زمان غرز فينا حبنا لبعض، أنا مقدرش محبش رامز مهما عمل فيا، لو عمل فيا مقلب لا هشتمه ولا هضربه ولا هجري وراه، هاخده في حضني".

وتابع ياسر جلال قائلاً: "أنا مش حاسس إني هبقى مفيد في البرنامج، هو عايز ناس دمها خفيف وأنا بعمل أدوار جادة شوية".

وفيما يتعلق بإمكانية تعاونه مع شقيقه في فيلم، أشار ياسر جلال إلى أنه يحب رامز جلال كثيرًا، وقال: "أنا بعشق رامز، هو كلمني قبل كده على عمل، وأستاذ وليد صبري كلمنا على عمل مع رامز، المشكلة لازم نقدم موضوع ينفعنا ونبقى في الشكل اللي الناس نفسها تشوفنا فيه".

وأضاف: "قبل ما أعمل فيلم مع رامز لازم أشوف الناس نفسها تشوفنا إزاي، دا أهم حاجة عشان تكون ذكرى حلوة بينا".

وختم ياسر حديثه بالحديث عن مشاركته في فيلم "سبع البرمبة"، قائلاً: "أنا سعيد أني مثلت معاه وطلعت ضيف شرف في الفيلم ده، بحب الفيلم وبحب أفلام رامز عمومًا".