ياسمين رئيس تكشف مفاجأة في المؤتمر الصحفي لفيلم الفستان الأبيض

كشفت الفنانة ياسمين رئيس مفاجأة للجمهور، في المؤتمر الصحفي الخاص بفيلمها «الفستان الأبيض» بعد عرضه الأول في مهرجان الجونة السينمائي 2024.

قالت ياسمين رئيس عن التشابه بين شخصيتها في فيلم فتاة المصنع وفيلم الفستان الأبيض: «الربط ما بين شخصية وردة في الفستان الأبيض وهيام في فتاة المصنع حاجة حلوة إن وردة بتفكركم بشخصية هيام وهي من أكتر الشخصيات القريبة لقلبي بس هما مش شكل بعض ولا نفس المستوى الاجتماعي».

ياسمين رئيس فيلم الفستان الأبيض

وتابعت: «وردة المفروض من طبقة تحت المتوسطة متعلمة وإحنا عندنا مشكلة أننا بنصنف الناس شعبي وراقي مفيش حاجة اسمها كدا».

وفيما يخص مشاركتها في إنتاج الفيلم، علقت قائلة: «أما عدى عليّ وقت في شغلي فهمت أكتر إن وجودي كممثلة مش بس معتمد على موهبتي، في حاجات تانية كجزء تجاري بنشتغل عليها وأنا في حاجات عايزة أعملها، والطريقة الطبيعية إني أعملها وأكون جزء منها».

فيلم الفستان الأبيض

اتجاه ياسمين رئيس للإنتاج

واختتمت ياسمين رئيس: «وأنت لما تكبر مثلا بتبقي طالب مبلغ معين ممكن المنتج ميجيبكش عشان مش قادر يدفعلك، وأنت الورق عجبك وعايز تعمله مثلا»، ليعلق المنتج محمد حفظي قائلاً: «ياسمين رئيس هتعمل شركة إنتاج وهتنتج أفلام بالكامل».

ياسمين رئيس