ياسمين رئيس: ممكن أسيب راجل لو جرح كرامتي وأحب أبقى تريند

ياسمين حمادة 08 ابريل 2023 | 08:18 مساءً

كشفت الفنانة ياسمين رئيس أسرار عن حياتها الشخصية وعلاقتها بابنها، موضحة أنها تغيرت كثيرًا بفضله، قائلة: «أنا اتغيرت عشان ابني واعتبره راجل وهو غير فيا حاجات كتير».

تصريحات ياسمين رئيس

وتابعت الفنانة ياسمين رئيس: «خلاني أحب الدنيا أكثر وأكثر إيمان وتفاؤل إن كل حاجة هتبقى أحسن طول ما هو موجود، وممكن أسيب راجل لسه بحبه عشان جرح كرامتي».

وأضافت: «أي ست راجل يجرح كرامتها لازم تمشي، فاضل إيه بعد الكرامة وكده فاضل الضرب وأنا مش صغيرة ورقيبة على نفسي ومش عيلة عشان راجل يتحكم في كل تصرفاتي، وأنا أحب أبقى تريند بأعمالي مش بحياتي الشخصية».

ياسمين رئيس

ياسمين رئيس فيلم لص بغداد

وقالت ياسمين رئيس أيضًا: «لكن موضوع التريند مش حاجة حقيقية قوي، في ناس بتعمل التريند وفي شركات ماسكة الموضوع ده».

وفيما يخص مشاركتها في فيلم لص بغداد، علقت قائلة: «كنت خائفة من تجربة الكوميديا في فيلم لص بغداد، أنا مش متعودة ولكن تفاجئت بردود الأفعال والزملاء في العمل والفيلم خلاني اكتشتفت نفسي في الكوميدي».

واستكملت قائلة: «دلوقتي أقدر أعمل فيلم كوميدي من أوله لآخره بطولتي أنا بس ولكن يجب الموضوع يكون كوميدي والسيناريو والممثلين شاطرين.

ياسمين رئيس أغنية حبيبتي

وقالت ياسمين رئيس عن مشاركته في أغنية حبيبتي مع حسن شاكوش: «روحت لجمهور حسن شاكوش بأغنية حبيبتي».

وحول حقيقة خضوعها لعمليات تجميل، قالت: «مش بيليق عليا ولو حبيت أغير شكل جسمي هاكل مفتقة وبحس أني مش بيليق عليا وتخنت قبل كده 7 كيلو ومكنتش حابه شكلي خالص».

ياسمين رئيس