ياسمين صبري: لون شعري مش بصبغه ومش بلعب في شكلي

تحدثت الفنانة ياسمين صبري عن اختيارات إطلالاتها في المهرجانات الفنية، وآخرها مهرجان كان السينمائي.

قالت ياسمين صبري عبر تصريحات تلفزيونية، إنها تعتمد في إطلالاتها على ما يناسبها فقط، مضيفة: «إحنا بنبقى فريق بنفكر إيه الألوان المناسبة لأن كل إنسان ليه لون والمهم أن الست تلبس اللون المناسب ليها والتصميم المناسب ودا اللي بحاول أعمله».

نصائح ياسمين صبري

وتابعت: «دايمًا بشوف الناس بتقول لازم الست تغير ستايلها، لأ هو اسمه ستايل لأنه ستايلك، هي هويتك أنا بفكر كده لنفسي حتى لون شعري مش بصبغه مش بلعب في نفسي لأن ده شكلي وده اللي بعمله في أي مكان أظهر فيه ألبس الشيء اللي أنا مرتاحة فيه وقريب مني».

واستكملت ياسمين صبري: «معنديش أي نصيحة أقولها للستات بالعكس الستات جُمال ومش محتاجين نصائح وأنا واحدة منهم إزاي أنصحهم، والفكرة في بنعمل إيه وإزاي نثبت قوة المرأة».

تصريحات ياسمين صبري

واختتمت: «الحياة أفعال وده واصل عن نفسي مع الناس وإن شاء الله دايمًا أقدر أكون نموذج للمرأة العربية».