ياسمين صبري: مبخافش من الحسد وبحافظ على روحي زي جسمي

كشفت الفنانة ياسمين صبري عن وجهة نظرها الشخصية في موضوع الحسد، مؤكدة إنها لا تخاف منه بشكل مبالغ فيه، لكنها بتكون واعية جدًا لطاقة الأشياء والأشخاص حواليها، وخصوصًا في اللحظات اللي بتحس فيها بطاقة سلبية أو أحداث مش مفهومة.

أوضحت ياسمين صبري، إنها بترجع أحيانًا لدائرة مقربة من الناس اللي بتثق فيهم عشان تستشيرهم وتاخد منهم دعم نفسي ومعنوي، وده بيساعدها تتخطى الأوقات الصعبة.

وأضافت: "زي ما باهتم بجسمي من خلال الرياضة والأكل الصحي، باهتم كمان بروحي بنفس القدر، وبحاول أحافظ عليها قوية ومتوازنة".

وأكدت إن التوازن النفسي والروحي بقى جزء لا يتجزأ من حياتها، خاصة مع الضغوط الكبيرة اللي بتعيشها كممثلة وواحدة من الشخصيات العامة اللي دايمًا تحت الأضواء.