ياسمين عبد العزيز: كنت أغلى موديل إعلانات.. واشتريت شقة وعربية وأنا عندي 15 سنة

تحدثت النجمة ياسمين عبد العزيز عن السبب وراء تكوين شخصيتها منذ طفولتها، وهو انفصال والديها ما جعلها تعتمد على نفسها بالعمل في الإعلانات.

ياسمين عبد العزيز تتحدث عن طفولتها

قالت ياسمين عبد العزيز في تصريحات تلفزيونية: 'أنا كنت أغلى موديل إعلانات، وكنت حاسة بالمسؤولية وبصرف على نفسي مصاريف المدرسة ودروسي وصرفت على نفسي في الكلية، ولما صلت لسن 15 أو 16 سنة اشتريت لنفسي عربية وشقة'.

وتابعت الفنانة كلامها، وقالت: 'ماما طيبة أوي لدرجة إن ممكن حد يضايقها ومتعرفش تاخد حقها، وأنا قررت أبقى عكسها وكنت عايزة أبقى شخصية قوية'.

تصريحات ياسمين عبد العزيز

واستكملت ياسمين عبد العزيز حديثها، وقالت: 'طول عمري أهلي مكانش عندهم عربية، وكنت أروح المدرسة ألاقي أصحابي أهاليهم بيوصلوهم بالعربية، وصممت أشتغل لغاية ما أشتري عربية وأروح بالعربية المدرسة، وفتحت دفتر توفير في بنك في شارعنا، واشتريت العربية وأنا عندي 15 أو 16 سنة، وأول عربية اشتريتها في حياتي كانت بـ 57 ألف جنيه'.

واختتمت ياسمين عبد العزيز حديثها، وقالت: 'أمي كانت بتشتغل وبتصرف عليا أنا وإخواتي الاتنين الكبار، وأبويا انفصل عن أمي واتجوز، وفي سن معين لما بقيت أكسب أكتر من أمي قلت لها اقعدي إنت وبقيت أنا اللي أصرف، وكان أخويا الكبير سافر وبقيت أنا وأمي لوحدنا'.