ياسمين عز تكشف مميزات الزواج في بيت العيلة: جبل حسنات

ياسمين حمادة 10 يونية 2023 | 09:04 مساءً

تحدثت الإعلامية ياسمين عز عن الزواج في بيت العائلة، قائلة: «أنا من أنصار الفكرة دي وأحسن حل لأزمة الزواج والشقة الزوجية خلال هذه الفترة.

ياسمين عز ومميزات الزواج في بيت العائلة

كشفت ياسمين عز مميزات الزواج في بيت العائلة من خلال برنامجها التلفزيوني قائلة: «يقلل من نسب الطلاق واللي متجوزتش في بيت حماتها الفرح والهنا فاتها واللي متجوزتش في بيت عيلة جوزها هتفضل طول عمرها لاوية بوزها».

واستكملت: «جوزك مش هيحس معاكي بالغربة عايش في البيت اللي كبر واتربى فيه، وبيت العيلة هو بيت الخبرة نفسه فيه الأب والأم اللي ربوا جوزك وفرعونك اللي اخترتيه عشان تكملي حياتك معاه، خدي نصايحك من ناس خبرة وبركة بدل صاحبة أو زميلة بتكرهك».

ياسمين عز

نصائح ياسمين عز

وقالت أيضًا: «الجواز في بيت عيلة جوزك مفيش أحسن منه ومش هيقولك البسي عشان نروح عند ماما، وإيه المشكلة لما تتجوزي وتعيشي مع حماتك وأخوات جوزك الغزلان في نفس البيت!!».

وتابعت ياسمين عز قائلة: «ولو وحشك مج النسكافيه بتاعك خديه معاكي، وجوزك هيتكسف يزعلك أو يعلي صوته عليكي قدامهم، ولو شديتوا مع بعض حماكي هياخده من إيده وييجي يبوس راسك وآخر حاجة هتفكري فيها الطبيخ وحماتك هتقوم بالواجب وتساعدوا بعض».

واختتمت: «اعتبريه جبل حسنات في الرايحة والجاية هتاخدي حسنات زي مساعدة حماتك أو الشاي لحماكي، لو في بيتك لوحدك الدعوات والحسنات دي هتيجي منين؟».

ياسمين عز