ياسمين عز: حبي تراب رجل جوزك وقوليله حاضر 365 يوم

إسماعيل هاني 17 فبراير 2023 | 10:25 صباحاً

وجهت الإعلامية ياسمين عز، نصائح خاصة للسيدات، مؤكدة أنه يجب على الست أن تحب تراب رجل زوجها وتقول له حاضر 365 يوم.

ياسمين عز في تصريحات تليفزيونية: بقول للستات بلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية لأن فرعونك الجائزة الكبرى.

ياسمين عز: بصيله بنظرة المثلث المقلوب

وتابعت ياسمين: سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص، والراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة.

ياسمين عز: حفنة التراب اللي بيمشي عليها هدية

وأضافت ياسمين عز: الراجل عنده قلبين واحد في صدره والتاني في رجله الخلفية، ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله.

ياسمين عز:لو تعرف قيمتك هتعرف قيمة التراب اللي ماشي عليه

وأنهت حديثها ووجهته للرجل، قائلة: يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير، ولو تعرف قيمتك هتعرف قيمة التراب اللي ماشي عليه، لو هي جعفر هترمي الهدية وده اختبار وسقطت فيه.