ياسمين عز عن أغنية شهر رمضان افرحوا يا بنات: الراجل فرحان علطول

تحدثت الإعلامية ياسمين عز، عن أغنية شهر رمضان افرحوا يا بنات يلا وهيصوا رمضان أهو نور فوانيسه ومش بتقول افرحوا يا ولاد أو يا رجال.

وقالت ياسمين في تصريحات تليفزيونية،ان هناك سؤال يتوارد إلى خاطرها وفكرها دائما مع قدوم شهر رمضان..ليه افرحوا يا بنات مش افرحوا يا رجال، متابعة: ده حتى أحلى ولو تلاحظ حرف الراء مشترك في كلمة افرحوا ورجال، إنما افرحوا يا بنات مش لايقة على بعض.

ياسمين عز تابعت أنها ظلت تفكر في هذا الأمر خاصة مع اقتراب شهر رمضان ومن وجهة نظرها أن الكاتب إذا كان كتب الأغنية افرحوا يا رجال يلا وهيصوا كانت الناس هتندهش لأن الراجل دائما فرحان وسعيد ومبتسم.

وأضافت ياسمين عز، أنه من الطبيعي إنك متقولش لكائن جميل يدخل دائما الفرحة علي قلوب الناس افرح لأنه بـ يدخل الفرحة علي قلوب الناس والكاتب قال افرحوا يا بنات يلا وهيصوا عشان عارف البنات مبيفرحوش بـ الساهل وان هناك بوز ليس له سبب علمي أو أدبي وإن الكاتب أراد لهن أن يفرحن «افرحي بقى والنبي رمضان جه افرحي بقى».

ياسمين عز: ليه الواحدة بتخبي حملها على سلفتها؟

قالت الإعلامية ياسمين عز، إن هناك أمرا منتشرا بين السيدات في مصر وهو لما المدام بتكون حامل بتبدأ تخبي على سلفتها موضوع الحمل وهذا أمر غريب جدا ولما سلفتها تسألها، تبرره بأن لديها انتفاخا في القولون.

وتابعت ياسمين، في تصريحات تليفزيونية: هل القولون يظل منتفخا تسعة أشهر، وفجأة تولدي وتجبيلنا كائن بشري جديد في العائلة ويا سلام لو توأم، متابعة: «وبتبدأي تقولي لـ سلفتك أصل الأمر حدث فجأة».

ياسمين عز أضافت: «بقالك 9 أشهر ولم تلاحظي موضوع حملك.. هل كنتي حامل في زتونة أكيد لا؟»، وبالطبع كنتي تعلمين بأمر الحمل وبـ تتوحمي وبـ تتابعي مع الطبيب وبـ تاكلي بالليل حلاوة بالقشطة والـ في جيب جوزك مش ليه هو، بيكون ليكي انتي والطفل.

ووجهت ياسمين عز نصيحة للسيدات: «قولي لسلفتك إنك حامل لأنك أكيد انتي مش أول ست بتحمل، وهناك مليون سيدة أخرى حملت وخلفت، وأيضا عشان سلفتك تساعدك وتقف جنبك ولو ساكنة قريب منك هتكون أقرب حد ليكي خاصة لو جوزك في الشغل».

ما هي القواعد الثلاث التي حددتها ياسمين عز للفتيات للتعامل مع الزوج في المطعم؟

ياسمين عز تعلق على تغير العروسة قبل وبعد الإرتباط مع حماتها

ياسمين عز: «ليه الواحدة بتخبي حملها على سلفتها وتقولها عندي انتفاخ؟»