ياسمين عز قبل ساعات من وقوعها في فخ رامز جلال: متنسيش بعد ما تشمتي تقومي تفرحي فرعونك

تقع الإعلامية ياسمين عز ضحية فخ الفنان رامز جلال عقب صلاة المغرب اليوم السبت، وهو المقلب الذي ينتظره الكثيرين من الجمهور بعد أن اغضبت الكثير من السيدات بسبب نصائحها وتضامنها مع الرجال.

ياسمين عز ضحية مقلب رامز جلال

كتبت الإعلامية ياسمين عز عبر حسابها بموقع التواصل الاجتماعي فيسبوك: «يامدام انا وعدتك انك هتشوفيني في رمضان ووفيت بوعدي».

وتابعت: «ارجوكي بعد ما تخلصي شماتة، زي مانا فرحتك تقومي تفرحي فرعونك بكوباية شاي وطبق قطايف بالمكسرات وماتحطيش سكر علشان منبع السكر قاعد جنبك، مشاهدة ممتعة يا مدام».

ياسمين عز

نصائح ياسمين عز

نصائح ياسمين عز يرصدها موقع قناة صدى البلد في السطور التالية:

• وأنت بتطلب دليفري تسيب فلوس بسيطة .. أنا برجو من حضراتكم إن اللي جاي يوصلك طلب دا جايلك مخصوص عشان تتصدق عليه فطلع مما تنفق له.
• حارس العمارة بيسهر على راحتك ده غير وحدتهم وغربتهم.. وأنت داخل وخارج قوله كلمة حلوة، ومفيش حاجة لو المدام عملت شوية أكل سخن يهونوا عليه.
• بلاش تتريقي على مشية جوزك ورجليه فيه ناس بتموت في التراب اللي تحته، والراجل معندوش بوز عشان يلويه وكلنا عارفين مين اللي عنده بوز.
• مينفعش تعملي نفسك فاهمة أكتر منه.. ومتسأليهوش عن الطريق وانتوا ماشيين هو معاه بوصلة رباني.
• لو إنتي قاعدة جنب جوزك متتنفسيش وهو بيتنفس ولو قاعدين بتتكلموا مينفعش تقومي تروحي الحمام بدون ما تستأذنيه .. الحمام مش أهم منه!!.

• لما يكون متعصب وصوت نفسه عالي من العصبية متتنفسيش إنت كما وتنفخي بصوت عالي معاه، ده هيزود شحنة السلبية والنكد وهتقوم خناقة.
• لو إنتو قاعدين مع بعض بتتسامروا وتتكلموا، مينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام.. ممكن تستنيه لما يخلص كلامه، ويقوم هو الأول وبعدين تقومي وراه، أو لو إنت مستعجلة تقولي بلطف من غير ما تقطعي كلامه حبيبي هروح أعمل حاجة.
• مينفعش تتكلمي مع الجرسون في وجود جوزك ولو معزومين بره ونسي محفظته لازم تحاسبي بالطريقة دي عشان تحافظي على صورته قدام الناس!!.

• على الست أن تحب تراب رجل زوجها وتقول له حاضر 365 يوم.
• بلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية لأن فرعونك الجائزة الكبرى.
• سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص.
• الراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة.
• الراجل عنده قلبين واحد في صدره والتاني في رجله الخلفية، ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله.

ياسمين عز توجه رسالة لـ مربوحة بسبب الصوت الشتوي

ياسمين عز : المصري ما عندوش عرق الخيانة وخلصت فيه الشعر والنثر

ياسمين عز تكشف كيفية التعامل مع الزوج في رمضان: بلاش تستفزي الفرعون وأنسى السوبيا

ياسمين عز توجه نصيحة جديدة للسيدات: زوجك معرض للانقراض ومينفعش تكلميه وإنتي حافية