ياسمين غيث تروي تفاصيل حالتها الصحية بعد استئصال الورم

كشفت الفنانة ياسمين غيث، تطورات حالتها الصحية عقب اجرائها عملية استئصال ورم حميم كانت تعاني منه خلال الفترة الماضية.

ونشرت ياسمين غيث، صورا لها، عبر حسابها الشخصي على موقع التواصل الإجتماعي إنستجرام، وعلقت: عارفة إنكم قلقنين عليا ومش عايزة اتأخر عليكم أكتر من كدة رغم تعبي لسة.

وتابعت ياسمين غيث: مبدئياً ده شكلي معظم الـ ٥ شهور اللي فاتوا، من شهر ١١ حتى الآن.. الحمد عملت العملية يوم ٦/٢ (عملية open chest لإزالة ورم حجمه ٨ سم+).

واستكملت:  الحمد لله ألف حمد وشكر طلع حميد وطلع إنه كتلة من الغدة الدرقية وده هيحتاج إني أعمل فحوصات و check up علي الغدة كل ٣ شهور، ده طبعا غير ال general check up اللي بعمله كل ٦ شهور. الحمد لله علي كل حاجة..عاملة إيه؟ تعبانة...حاسة بإيه؟ ألم لا يحتمل...في عضمي، في ضلوعي، في أعصابي...بس كدة؟.

وأوضحت: لأ.. العملية مكانها صعب والفتح في عضم الصدر المه مش طبيعي، بس أي إنسان عادي بيحس بالألم ده بطريقة معينة لكن أنا إيه اللي بيحصل معايا؟ أنا من ٧ سنين عملت عملية ال breast cancer اللي شالوا فيها من صدري اليمين جزء من العضلة، و معظم الغدد (lymph nodes) اللي تحت الذراع و ده أثر من وقتها على ذراعي اليمين و فضل كذا شهر بيوجعني و بعد كدة كمّل معايا التنميل و الوجع بس محتمل.

ياسمين غيث والعملية الأخيرة

واستضطردت: بعد العملية الأخيرة، فهمت إن الفتح في نص القفص الصدري و القطع في العضلة دي و العضم و الأعصاب، بيأثر علي الذراعين، لأن معظمقوة حركتهم بتكون من عضلة الصدر.

وتابعت: فضلت حوالي إسبوعين مش عارفة أستخدم إديا الإتنين خالص، شوية بشوية مع العلاج الطبيعي بقيت عارفة أستخدم الشمال في حاجات بسيطة و اليمين برده لأ  والألم في ضلوعي و دراعي و كتفي و رقبتي اليمين.

 

View this post on Instagram

 

A post shared by وندر وومان-aka-ياسمين غَيْثْ (@yasmineghaith)

ياسمين غيث: كنت باخد مسكنات جدول

وأضافت: غير محتمل لدرجة إن الدكاترة بيدوني مسكنات جدول لازم يدوهالي من المستشفي...لغاية ما الدكاترة قالولي للأسف نصك اليمين بدراعك اليمين هيكون متأثر أكتر بسبب عملية الbreast cancer القديمة اللي أصلا سايبة أثر علي ذراعك فمعلش مفيش حل غير إنك تستحملي وتاخدي مسكنات للألم.

وتابعت: وعلاج طبيعي لغاية ما يرجعلك ال range of motion و الإحساس تاني بنسبة كبيرة. الحمد لله علي كل حاجة، بس قلت أحكلكم كدة و ده ملخص لتفاصيل كتييييير قوي صدقوني منها إني بيغمي عليا من الوجع و غيره.

ياسمين غيث، قالت: أنا مش بحب أحط صور كدة بس حبيت أعرفكم المرة دي أنا في إيه و بعدي بإيه و شكلي عامل إزاي حاليا و الجرح شكله إيه علشان ماتتخضوش لما تشوفوني لأن أنا من كتر وجع الجرح كمان و الirritation اللي فيه مش بستحمل هدوم عليه فحتي في عز البرد بكون مش حاطة أي هدوم عليه علشان مش بستحمل. فمتخافوش من شكله.

ياسمين غيث تطلب الدعاء

واختتمت حديثها: إدعولي أرجع زي الأول، أنا بقالي ٥ شهور عملت فيهم ٤ عمليات بين المستشفيات و العناية المركزة و الدكاترة و الفحوصات و أوجاع لا تحتمل والله، إدعولي علي الأقل أرجع أعيش من غير ألم تاني. أنا الحمد لله بتحسن بالعلاج الطبيعي بس ببطأ شوية.

ياسمين غيث توجه رسالة مؤثرة للجمهور قبل إجراء جراحة صعبة

أسرة ياسمين غيث تكشف وضعها الصحي بعد إجراء عملية لإزالة الورم الجديد

خروج ياسمين غيث من المستشفى.. تطورات حالتها الصحية