ياسمين نيازي: كلبي هو صاحبي الوحيد ومكنتش بمشي على رجلي شهرين.. فيديو

تحدثت المطربة ياسمين نيازي، عن دور كلبها في حياتها، مؤكدة أنه صاحبها الوحيد وهو من وقف بجانبها في مرضها الذي ظلت بسببه على فراشها لمدة شهرين.

وقالت ياسمين، في لقاء لها ببرنامج تليفزيوني: أنا صاحبي هو كلبي، وفي مرة تعبت فيها وجالي إلتهاب في الأعصاب الطرفية ووصلت لمرحلة مكنتش بقدر أمشي على رجلي لمدة شهرين، وكنت نايمة على السرير في أول شهر مقومتش منه وكلبي نايم تحت السرير، ومبيعملش حاجة غير إنه يبص عليا طول الوقت.

ياسمين نيازي تكشف اسم كلبها

وتابعت: أول مرة عرفت أقوم فيها لوحدي من غير ما حد يحركني، وأول ما نزلت رجلي من على السرير لقيت (بيدو) وهو مش من النوع اللي (بيهوهو) خالص، طلع من الأوضة جري وعايز يقول لحد الحقوا دي قايمة، ولقيت ماما بتقوله في إيه يا (بيدو) ولقيتها جاية تجري على الأوضة، وهو عارف إن دي مينفعش تتلمس دلوقتي لانها ممكن تقع، وكان بيلف قدامي زي النحلة، ولقيته بيجري على ماما ويبص عليها، عايز يشدها ويقولها أهي.

وأضافت ياسمين نيازي: ربنا ما بيخلقش حاجة وحشة خالص، وبقول كدا عشان الناس اللي ما بترحمش كلاب الشارع، وبيحاولوا يسموا كلاب الشوارع، يا جماعة ربنا خلق الحيوانات والكلاب عشان يعمل توازن على الكوكب، وربنا مخلقناش لوحدنا في الكوكب ده.

قصة تطفيش ياسمين نيازي لعريس أراد خطبتها

أوضحت ياسمين، هذه القصة في لقاء لها ببرنامج تليفزيوني، قائلة: أنا مطفشتش غير عريس واحد بس عشان أكون صريحة، وعمل حاجة استفزتني جدا، ونيته كانت إنه يدخل البيت من بابه.

وقالت ياسمين: جه البيت وأنا بره مكنتش موجودة فيه، وماما كانت عند جدتي، وأنا بتصل بتيتة فلقيتها بتقولي هو مين فلان الفلاني ده يا ياسمين، وأنا سكت شوية لأنه حد أنا أعرفه وحسيت فيه حاجة ومكنتش متوقعة الموضوع يروح لكدة.

وتابعت ياسمين نيازي: ده كلم أمك، ومرضتش تحكيلي حاجة، وفي ساعة صفا كنت قاعدة مع ماما فقالت لي (فلان الفلاني كلمني وانتي ليه يا ياسمين بتعاملي الراجل كدا، الراجل عايز يتجوزك، وأنا قولتله (الرأي رأيها لأنها بنتي الوحيدة).

وأضافت ياسمين: قولت لماما فين تليفونك وخدت تليفونها وعملتله بلوك، لأنه كان المفروض يجي يقولي أنا الأول، وهو عشان خايف مني يروح يقول لماما، وبعد كدا اتصلت بيه اديتله اللي فيه النصيب.

عدد زيجات طارق الدسوقي .. ياسمين عز ليست الأولى التي يطلب يدها على الهواء

ياسمين عز ترد على تصريحات إلهام شاهين: كل واحد يتكلم في اللي يخصه

ياسمين غيث تعلن إصابتها بالسرطان للمرة الثانية وتكشف تطورات حالتها

ياسمين نيازي تكشف تفاصيل تطفيشها عريس لجأ لوالدتها ..فيديو