يسرا : الشهرة عمرها ما بتدوم وبفصل عن العالم لوحدي في هذه الحالة

تحدثت الفنانة يسرا في تصريحات جديدة لها عن سلبيات وإيجابيات الشهرة، لافتة إلى أن هوليوود أصعب من عالمنا العربي، بجانب تأثير السوشيال ميديا في حياتها.

تصريحات يسرا

تصريحات يسرا التلفزيونية الجديدة نرصدها إليكم في السطور التالية:

• لما كنت بروح السينما مع والدتي كنا بنشوف 3 أفلام أساسيين كل ليلة من بلاد مختلفة ومن هنا حبيت السينما وبقيت مؤمنة بها.
• لغة الفن دي لمست قلبي، وقولت عايزة أكون على الشاشة دي لأنها اللغة الوحيدة اللي مش محتاجة ترجمة.
• لو حد بيسعى للشهرة فقط هيقدر يحققها في ثانية بدون مجهود، ولكنها عمرها ما هتدوم لأنك لازم تشتغل بـ جهد وتحب مهنتك مش الشهرة.
• ولازم تحترم اللي بتعمله عشان يقدر يمنحك شيء جميل ويترد ليك ولازم تعرف إزاي تستخدم الشهرة في الشيء الصح وأنك تخدم المجتمع مش عشان النجاح ولا الفلوس.
• الشهرة دين في رقبتنا ومسئولية كبيرة، فيه ناس قد الشهرة وفيه ناس مش قدها ولما الشهرة بتيجي لهم بيفهموها وفيه ناس لما تجيلهم بتلغبطهم وتجننهم.

• أحيانًا بكون مُنهكة من الشهرة والناس وبفصل عن العالم تمامًا، وأقعد في البيت لوحدي وبدخل في حالة خاصة بيا زي القوقعة وبنعزل.
• العالم في هوليوود أصعب بكتير من عالمنا لأنهم شغالين بسرعة وكأنهم آلة، وبيتسنزفوا من طاقتهم ومش سهل تكون نجم كويس برا، لكن هنا إحنا بيحترمونا ويحبونا والناس بيكبروا معانا، أحنا أرحم كتير.
• الناس بتحكم على الفنان 24 ساعة وبيطلعونا شياطين على السوشيال ميديا ويصححوا أفعالنا.
• الجمهور بيغزو حياتنا لدرجة إني بتعب ومبقدرش أبتسم أحيانًا لأننا عندنا ضغوطات ومش سعداء دايمًا، وقبل السوشيال ميديا مكنش حد بينتقد فنانة عشان لبست بيكيني وكان عندنا حرية وخصوصية.
• في النهاية أنا اخترت الشهرة ولازم أتحمل عيوبها ومينفعش ألوم حد لأني بحب اللي بعمله وبحترمه وأنا مدينة للناس اللي بيحبوني ولكن بقول لهم سيبولي وقت عشان أقدر أكمل.

مسلسل يسرا في رمضان 2023

وفي سياق آخر، تنافس الفنانة يسرا ضمن موسم مسلسلات رمضان 2023 من خلال مسلسل حمدلله ع السلامة، والذي بدأت تصويره اليوم الثلاثاء، ويشارك يسرا في بطولة مسلسلها الجديد «حمدلله ع السلامة»، كلًا من عنبة ومايان السيد وشيماء سيف وآخرين.

مسلسلات رمضان 2023 .. انطلاق تصوير «حمدلله ع السلامة» لـ يسرا

مسلسلات رمضان 2023| مفاجأة.. عنبة ابن يسرا في «حمدلله على السلامة»