يسرا تتمنى عودة عمرو دياب للتمثيل.. ومفاجأة في آخر مكالمة جمعتها بفاتن حمامة

تحدثت الفنانة يسرا عن مشوارها الفني، موضحة أنه لم يكن سهلًا، وبه نجاحات وصعوبات وفشل وصعود وثغرات وهبوط.

وتابعت يسرا في تصريحات تلفزيونية لها: «الحمد لله ربنا بيديني حب واحترام وشغل ونجاحات ومحبّة الناس ودي أهم حاجة، وأكيد كل واحد عارف مكانته فين ومش كل الناس هتحبك ومش كل الناس هتكرهك».

تصريحات يسرا

وتابعت: «هتلاقي أصدقاء بيحبوكي وبيدافعوا عنك مدى الحياة، وتبقي محظوظة لو عندك نوع الأصدقاء ده وغنية بيهم، لأن الصداقة الحقيقية ضهر وسند وأنتي اللي بتختاريه مش مفروض عليكي، وأنا غنية بصحابي وبمساندتهم ليا وأنا بحبهم أوي، ودول الأسرة الكبيرة بتاعتي وحياتي لأني عشت معاهم أكتر ما عشت في البيت».

وأوضحت الفنانة يسرا أن فيلم ضحك ولعب وجد وحب هو الفيلم الوحيد الذي أنتجته، ولن تنتج مرة أخرى، معلقة: «مش عشان خسرت بالعكس هو كسب جدًا، بس عشان أنا مليش في الحاجات دي».

يسرا

يسرا وعمرو دياب

وتحدثت عن علاقتها بالفنان عمرو دياب: «مشوفتش في ذكائه، وهو من أطيب وأنقى الناس وجدع، وهو من النوع اللي ميحبش يحرق نفسه في حاجات كتير، وهو شخص بيحب شغله جدًا.. ياريت يرجع التمثيل أنا أتمنى».

بينما قالت يسرا عن الراحل أحمد زكي: «أخويا وصاحبي وكان دايمًا بيسميني الشمس، وفي عز الألم عمره ما كان يظهر ده، وكلنا لينا فيه لأنه صاحبنا وأخونا، وأنا فاكرة أول ما سمعنا إنه تعب، ريسيبشن المستشفى كان مليان بكل ممثلين مصر بدون استثناء».

وفيما يخص علاقتها بالفنانة فاتن حمامة، قالت: «على الرغم من إني مشتغلتش مع فاتن حمامة، لكن كان بيجمعني بيها علاقة حلوة جدًا وآخر مكالمة بيننا كانت قبل وفاتها حوالي أسبوع وقت مسلسل سرايا عابدين، كانت بتتكلم معايا ساعة في تفاصيل المشاهد، وكمان جوزي اتربى على إيد عمر الشريف وفاتن حمامة».

يسرا

عمرو دياب

فاتن حمامة