يسرا تكشف حقيقة رفض صالح سليم زواجها من ابنه
![صور](https://i0.wp.com/cdn.elbaladtv.net/wp-content/uploads/2024/07/يسرا-وزوجها.jpg?resize=250,150&ssl=1)
حرصت النجمة يسرا بالرد على الشائعات التي تداولها البعض خلال الفترة الماضية، حول رفض الكابتن الراحل صالح سليم رئيس النادي الأهلي الأسبق، زواجها من ابنه المخرج خالد سليم.
يسرا تتحدث عن زوجها
وقالت يسرا في تصريحات تلفزيونية: 'عدم إعلان زواجنا في البداية كان لأن صالح كان عيان، وصالح سليم هو اللي مربيني، وصاحب خالي وأمي وخالاتي وكانوا شلة واحدة، وغير صحيح إنه رفض زواجنا'.واستكملت حديثها، قائلة: 'الكلمة الوحيدة اللي قالها صالح لخالد الست دي نجمة، هتستحمل نجوميتها ومتقرفهاش خدها، مش هتستحمل سيبها في حالها، وقبل ما يروح يتعالج نزل وقال يا ولاد أعلن جوازكم دلوقتي، وخالد قال لا يا بابا لما تخف'.
تصريحات يسرا
وتطرق الحديث مع يسرا عن سبب عدم استمرار زيجتها الأولى، وقالت: 'أنا إتجوزت مرتين والأولى متوفقتش لأننا مكناش نعرف بعض كفاية، الله يرحمه هو توفى ومكانش جواز ناجح'.وأضافت: 'الجوازة الثانية خالد ربنا يديمه وبحبه جدا، ونعرف بعض 7 سنين، وعلاقتي مع خالد مش زوج وزوجة إحنا أصحاب، ومعتقدش في حاجة معرفهاش عنه أو حاجة ميعرفهاش عني'.