يسرا: حتة من قلبي اتخلعت بسبب اعتزال عادل إمام

كشفت الفنانة يسرا أسرار من حياتها الشخصية والفنية لأول مرة، بجانب بداياتها مع التمثيل ورد فعل أسرتها، بالإضافة إلى تعليقها على اعتزال الزعيم عادل إمام.

قالت يسرا في تصريحات تلفزيونية لها: «في اليوم الذي أخبرت والدي أني أريد دخول مجال التمثيل، جري عليّ وفي يده سكين، وحتى الآن في ظهري ندبة منها.. وبعدها جاء معي وأنا أمثل وهو من كان يمضي العقود».

تصريحات يسرا

وتحدثت عن أحدث أعمالها الفنية، قائلة: «فيلم ليلة العيد قاسي جدًا وصادم وسعيدة أن الفيلم ده لما تشوفيه في التليفزيون هتقولي ده فيلم مهم طب منجحش ليه، والمواضيع دي بقالها معانا عمر وجاية من الموروثات والمعتقدات، ونفسيتي متعبتش بسبب الفيلم ما أنا عارفة المشاكل».

وقالت الفنانة يسرا إنها لم تقدم إلا دور البطولة منذ بداية مشوارها الفني، معلقة: «الأستاذ عبد الحليم نصر إداني الفرصة الأولى في حياتي والبطولة مباشرة، وعمري ما عملت إلا أدوار بطولة أو بطولة جماعية، وعمري ما نزلت عن البطولة لأنه قالي أنا بديكي بطولة فيلم يعني أنتي تبقي بطلة».

وتابعت: «لو قررتي تتنازلي مش هتطلعي تاني، وده من أكتر من 40 سنة ومن ساعتها وأنا بطلة ومقدرش أقول إيه هو دور عمري، وفي حاجات تتصوري أنها دور عمرك وهي مش كده، وفي حاجات تعمليها وتلاقيها دور تقيل، فأنا عاملة 100 فيلم ولا أعلم كام مسلسل و4 مسرحيات، وكل حاجة جديدة معملتهاش لسة بعملها».

يسرا فيلم ليلة العيد

يسرا وعادل إمام

كما علقت على تكريم الفنان عادل إمام في السعودية، وإعلان اعتزاله الفن، لافتة إلى أنه بكت وقت سماع صوته وتكريمه نبع من ذكريات عملهما سويًا وحبها الكبير له.

وتابعت يسرا: «متصورتش في يوم إن عادل إمام أستاذنا الكبير يعتزل لأنه عاش للفن وعمري ما تصورت إنه يبعد عننا، تصورت يومها أنه معقول مش هيرجع لينا تاني بفنه؟».

واستكملت الفنانة حديثها عن اعتزال عادل إمام: «حتة من قلبي اتخلعت، وعلى فكره حقه إنه يعوز يرتاح بس أنا مش شايفاه بعيد ولا هيبعد عني أو عن جمهوره.. عادل إمام عاش علشان حب الجمهور ده، والتكريم اتعمل له بصورة حلوة جدًا، وكلنا اتأثرنا».

وأضافت يسرا: «عمري ما هنسى لما أستاذ عصام إمام قالي من 20 سنة، هعملك مسرحية وهسميكي الزعيمة، قولتله لأ مفيش زعيم غير أستاذ عادل، صعب أي حد يقارن نفسه بـ عادل إمام.. أنا ولبلبة دايمًا بنروح نشوف عادل إمام، وأنا بفرح بقعدتي معاه وبنقعد نتكلم على كل الشغل وبيضحك ويهزر ولذيذ وقعدته دمها خفيف، هو راجل رائع بمعنى الكلمة».

يسرا

يسرا وعادل إمام

عادل إمام ويسرا