يسرا: فقدت طفلين في جوازتي الأولى والحمدلله إني مخلفتش

فاجأت يسرا الجمهور بتصريحاتها الأخيرة حول الإنجاب، وموقفها من الأمومة بجانب رسالتها للسيدات وأوضحت معنى السعادة في حياتها.

تصريحات يسرا

أعربت يسرا عن عدم شعورها بالحزن من عدم إنجابها حتى الآن، قائلة: «وأنا في التلاتينيات كان عندي هاجس أني لازم أبقى أم لأني معطاءة بطبعي كنت هموت وأخلف».

وتابعت يسرا في تصريحات تلفزيونية لها: «وبعدين حصل أني فقدت طفلين في جوازتي الأولى، ولما اتجوزت خالد قولتله نخلف ملقتوش مبسوط من الموضوع دا وقال نشوف، قلت مش عاوز يخلف مني وسألته إن كان قلقان أني مكونش أم كويسة».

واستكملت النجمة يسرا : «قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شوفناه هتبقى حياتهم أسرع وسطحية وأنا مش عاوز أشوف عيالي كده».

يسرا

عدم إنجاب يسرا

وأضافت قائلة: «وأنا بعد فترة اقتنعت وبقول الحمد لله إني مخلفتش، وبقول للسيدات أوعوا تزعلوا من قدر ربنا مديهولكم قدر أنتم مش حاسين بيه، مع الوقت تخطيت الشعور وبالتجارب شوفت ناس فقدوا أولادهم ومش قادرين يعيشوا».

وقالت النجمة يسرا أيضًا: «وشوفت ناس أولادهم عاصيين ليهم معرفش إيه ممكن كان يحصلي، ممكن مكنش استحمل أن يكون عندي طفل ويموت وبالنسبة لي خالد هو حياتي وابني وجوزي ربنا عوضني».

واستطردت: «وبقول للي مخلفش ميزعلش واللي خلف يحمد ربنا»، لافتة إلى أنها من النجمات اللاتي يحببن السعادة ويستمتعن بحياتهن في كل ثانية، معلقة: «عمري ما فكرت أقول مينفعش أعمل كده أنا كبرت بحترم السن اللي وصلتله، والناس هيقولوا إنتي بترقصي في أماكن وبتغني».

يسرا

يسرا في رمضان 2023

واختتمت الفنانة يسرا كلامها وتصريحاتها التلفزيونية الأخيرة: «طبعا برقص وأغني أنا بحب أنبسط، وأعيش، وبحب الناس اللي معايا يكونوا مبسوطين، العمر مجرد رقم».

يشار إلى أن يسرا تستعد للمنافسة ضمن موسم مسلسلات رمضان 2023 المقبل، بمسلسل حمدلله ع السلامة، مع المخرج عمرو صلاح والسيناريست محمد ذو الفقار.

ويشارك يسرا في بطولة مسلسل حمدلله ع السلامة، كلًا من شيماء سيف، ومطرب المهرجانات عنبة، آدم الشرقاوي، محمد ثروت، أوتاكا، ومايان السيد، وآخرين.

الفنان خالد أمين: يسرا أسعدت العالم العربي بأعمالها الفنية

يسرا تكشف على الهواء سر جمالها.. فيديو