بيومي فؤاد: «بقيت أخاف أزعل حد.. واخترت الكبير أوي لأنه صاحب فضل عليا»

أكد الفنان بيومي فؤاد، أنه لم يصادف أن قابل أحد من الجمهور في الشارع وحدثه أنه لا يحبه ولكن لا يضحكه في أعماله، قائلا: «محصلش أن حد قابلني في الشارع وقالي مش بضحكني ولو حصلت هقوله كفاية أنك بتحبني والحب نعمة من ربنا وحصل أن مفيد فوزي قال اني ممثل متمكن ولكن مش بيضحك وده رأيه يحترم والقبول نعمة من ربنا».

وكشف بيومي فؤاد، خلال تصريحات تليقزيونية، عن سبب عدم مشاركته في أي أعمال خلال رمضان سوى الكبير أوي، قائلا: 'ماشركتش غير في الكبير أوي لأني ماضي حصري وترشحت في 6 أعمال ومقدرش أقولهم عشان تبقى قلة ادب ولما اقول اسم الاعمال ممكن الممثل يزعل'.

وتابع بيومي فؤاد قائلاً: «أنا بقيت حريص قوي وبقيت أخاف ازعل حد ومضيت حصري للكبير أوي وفضلته لأني أساسي فيه وتحت أمره وصاحب فضل عليا ومقدرش اتراجع عن الكبير قوي واخترت مكنش موجود كتير عشان في ناس زعلانة وأنا بتحدى بالكبير الموسم ده وتعبنا فيه جدا ويقال انه هيبق مسك الختام».