10 رسائل جديدة من تامر حسني بعد أزمته مع بسمة بوسيل.. سواد مفيش رحمة

ياسمين حمادة 24 مايو 2023 | 11:57 مساءً

وجه الفنان تامر حسني مجموعة من الرسائل في أول تعليق له بعد أزمته مع بسمة بوسيل وهالة عمر، من خلال نشره مجموعة من مقاطع أغانيه.

أزمة تامر حسني وبسمة بوسيل وهالة عمر

نشر تامر حسني مقاطع من أغانيه عبر خاصية الستوري التابعة لصفحته الرسمية بموقع انستجرام، يوصل من خلال مجموعة رسائل يرصدها موقع قناة صدى البلد في السطور التالية.

اللهم احفظنا من القريب قبل الغريب واحفظنا من اللي حافظنا وكارهنا وعامل حبيب.

ياه سواد سواد مفيش رحمة والطيبة تاهت في الزحمة.

حلوة ومرة كنا سوا وقلوبكوا بينا كانت تحس قولولنا ليه دلوقتي ليه نشوفكوا في الحلوة وبس.

أنت عارف غلاوتك يا حبيبي قد إيه أنت عارف قيمة حبك جوا قلبي تسوى إيه.

أنت عارف قد إيه بحبك قد إيه أنت عمري أنت قلبي والعالم واللي فيه.

لو فعلًا بتهمك راحتي زي ما بتقول كان المفروض لما تشوفني تفهم علطول إنك طول ما أنت بعيد عني العمر بيجري ويسرقني ووجعي بيطول.

تامر حسني

رسائل تامر حسني

كفاياك أعذار ولآخر مرة هقولهالك كفاياك أعذار مش دايمًا هنسى وهصفالك ع الوضع ده لا اللي جاي مش خير، ولو هطول نهايتنا خليها في بالك.

هتيجي في يوم هتلاقي نتيجة إهمالك عايشها وحيد والجرح كبير.

عرفت اللي فيها عينيه بان عليها يا قلبي إنه ماحبنيش.. حاجات عيشنا ليها وعشمني بيها وأخرتها ليه طلعت مفيش.

أنا تعبان من غيرك اسمعني وراضي ضيميرك لو عادي تسيبني لغيرك أنا والله أموت أنا تعبان إسمعني.

تامر حسني

هالة عمر وزينة

وجهت الفنانة زينة رسالة مفاجئة لـ هالة عمر منسقة أعمال الفنان تامر حسني، بعد أزمته مع طليقته بسمة بوسيل التي كشفت أن هالة عمر هي السبب في الطلاق.

نشرت الفنانة زينة مقطع فيديو من حفل زفاف هالة عمر ظهرت خلاله العروس مع الفنان تامر حسني، عبر خاصية الستوري التابعة لصفحتها الرسمية بموقع انستجرام.

وعلقت زينة قائلة: «مبروك يا أحلى عروسة ربنا يسعد ويفرح قلبك يا أطيب وأجدع بنوت.. والله كان نفسي أكون معاكي أوي بس بصور على عيني والله.. بس إيه الحلاوة دي ربنا يسعدك إنتي والعريس مبروك يا روحي».

تامر حسني